एक समय बलिउडमा निकै धमाका मच्चाकएकी नायिका हुन दिव्या भारती । १६ बर्षकै कलिलो उमेरमा फिल्मी करियर शुरु गरेकी दिव्याले धेरै फिल्ममा अभिनय गरेकी थिइन् । फेब्रुअरी २५, १९७४ मुम्बईमा जन्मेकी दिव्या बलिउडकै सफल नायिकामा गनिने गर्थिन् । अभिनेत्री दिब्या भारतीको १९ वर्षको उमेरमा मृत्यु भएको थियो। उनको सन् १९९३ अप्रिल ५ मा मृ त्यु भएको थियो।
त्यो दिन के भयो
एक अन्तर्वार्तामा दिव्याका परिवारका सदस्यहरूले दिव्या आफ्ना साथीहरूसँग रहेको बताएका थिए । राति १० बजे फेसन डिजाइनर केही कामले घरमा आएको भनेर फोन आयो। दिव्यालाई उनका दाजुले घरमा छाडेका थिए। केही बेरपछि बालकनीबाट लडेको भनेर फोन आयो ।
आयशा जुल्काले भनिन्, ‘धेरै समयसम्म मैले पत्याउनै सकिनँ। सायद उनी आफैंलाई केही थाहा थियो। उनी जहिले पनि हतार गर्नुहोस्, छिटो अघि बढ्नुहोस्, जीवन छोटो छ भन्थिन्। उनलाई सबै कुरा चाँडै गर्नुथ्यो। हामीसँग धेरै समय बस्नु छैन भनेर सायद उनलाई थाहा थियो होला।’
एक वर्षसम्म कुनै फिल्म पाइनन्
१४ वर्षको उमेरमा दिव्या भारती फिल्म क्षेत्रमा लागिन् । उनले एकपछि अर्को फिल्म पाइन् र एकपछि अर्को गर्दै ती प्रोजेक्ट उनको हातबाट बाहिरियो पनि ।निर्देशकसँग उनको मनमुटाव भयो । एक वर्ष यो क्रम चलिरह्यो। त्यसपछि उनले सिनेमामा विश्राम लिने निर्णय गरिन्। उनी छुट्टी मनाउन जाँदा उनलाई छिट्टै मुम्बई आउन भनियो। उनले तेलुगु सिनेमाका निर्देशकहरूलाई भेट्नु थियो।
उनीहरुको भेट भयो र भोलिपल्ट हैदराबादमा सुटिङ सुरु भयो । फिल्म ‘बोबली राजा’ थियो जसमा दिव्या भारतीसँग वेंकटेश थिए । यो सन् १९९० को कुरा हो । त्यसपछि सबै कुरा छिटो-छिटो भयो र न त दर्शकले सोच्ने मौका पाए न त दिव्याले नै ।‘बोबली राजा’ हिट भयो र त्यसपछि उनले तेलुगु फिल्म गर्न थालिन् । सन् १९९१ मा उनले तेलुगु सिनेमाका चर्चित अभिनेता चिरञ्जीवी र मोहन बाबुसँग काम गरिन्।
फिल्महरू थिए ‘राउडी अल्लुडु’ र ‘एसेम्बली राउडी’।
हिन्दी र तलेगु चलचित्रमा सानै उमेरमा सफलता प्राप्त गरेकी दिब्याले सन् १९९० को सुरुमा नै सफलता प्राप्त गरेकी थिइन्। छाेटाे समयमै दर्शकमाझ मन जित्न सफल भएकि नायिकाकाे रुपमा पर्छिन् । उनी कम समयमा नै सफलताको चुचुरोमा पुग्न सफल दिब्याले बिश्वात्मा, सोला ओर सबनम र दिवानाजस्ता चलचित्रबाट भारतमात्र नभएर बाहिरकै कैयौँ आत्मालाई दिवाना बनाउन सफल भएकी थिइन्। उनकाे चर्चा अहिले पनि उत्तिकै हुने गर्छ ।
यी नायिकाको मुम्बइस्थित एक अपार्टमेन्टको कौसीबाट खसेर मृ त्यु भएको भनिएको थियो। तर यो ह त्या थियो भन्ने विवाद पनि नचलेको होइन । आजसम्म पनि उनको मृत्यु रहस्यकै गर्वमा छ। उनकाे निधनपछि उनका फ्यानसहित शाेकमा रहेका थिए । त्यससमय उनको निधनले बलिउड शोकमय बनेको थियो । निधन भएपछि भने उनको फिल्म शतरंज रिलिज भएको थियो । उक्त फिल्म दिव्याको निधन भएको ९ महिना पछि रिलिज भएको थियो । दिव्याले आफुले खेलेको फिल्म शतरंज हेर्न पाइनन् ।