बलिउड अभिनेत्री हेजल कीच र भारतीय पूर्व क्रिकेटर युवराज सिंहको जोडी निकै सुन्दर छ । यो जोडीलाई उनका फ्यानले निकै मनपराउछन् । हेजल र युवराजले सन् २०१६ मा विवाह गरेका थिए । तर यो जोडीको प्रेमकथा फिल्मी शैलीको छ । जुन विषयबारे कमैमात्र मानिस जानकार छन् ।
समाचारअनुसार हेजललाई विवाहका लागि फकाउन युवराजले निकै मेहनत गर्नुपरेको थियो । करिब तीन वर्षको प्रयासपछि युवराज हेजललाई फकाउन सफल भए । यो बारे युवराजले कपिल शर्मा शोमा बताएका थिए । युवराजले आफूले हेजललाई जहिल्यै पनि डेटका लागि बोलाउदा हेजलले ‘हुन्छ’ भने पनि नआउने गरेको खुलाए । यसबाहेक हेजल मोबाइल नै अफ गर्थिन् ।
आफ्नो एक साथीका माध्यमबाट युवराजले हेजलसँग पहिलोपटक भेट्ने मौका पाएका थिए । पहिलो भेटको केही समय पछि युवराजले हेजललाई प्रपोज गरेका थिए र त्यो प्रस्तावलाई हेजलले स्वीकारिन् । सन् २०१५ मा युवराज र हेजलले आफ्नो सम्बन्धलाई अगाडि बढाउने निर्णय लिए र बालीमा दुवैले इन्गेजमेन्ट गरे । यो समयमा दुवैजना सेतो पहिरनमा थिए । आफ्नो इन्गेजमेन्टको तस्बिर सामाजिक सन्जालमा राखेर युवराजले फ्यानलाई सरप्राइज दिएका थिए ।
इन्गेजमेन्टको एक वर्षपछि युवराज र हेजलले विवाह गर्ने निर्णय लिए र सन् २०१६ को नोभेम्बर ३० मा विवाह गरे । हाल युवराज र हेजल खुशीसाथ जीवन बिताइरहेका छन् । दुवैजना सामाजिक सन्जालमा सुन्दर र रोमान्टिक तस्बिर शेयर गरिरहन्छन् ।