कपिलवस्तुको वाणगंगा नगरपालिका भलवाडको कजवे पुलमा आएको बाढीले जीप र मोटरसाइकल बगाएको छ ।
विद्युत प्राधिकरण तौलिहवाको जीप कजवेमा आएको बाढीले बगाएको हो ।
जीपमा विद्युत कार्यलयका कर्मचारी ४ जना सवार रहेको कार्यलय प्रमुख जयकुमार यादवले बताए। उनिहरु मध्ये २ जना पौडिएर बाहिर निस्कन सफल भएका छन् भने अन्य २ जनाको बारेमा केही जानकारी अहिलेसम्म प्राप्त नभएको कार्यलयले जनाएको छ । विद्युत मर्मत सम्भारका लागि फिल्डमा खटिएका कर्मचारी सवार जीप बाढीले बगाएको हो ।
यसको विस्तृत विवरण आउन बाकी छ ।
यस्तै भलवाड देखि बनगाई बुटवल जाने यातायातका साधन तथा कार्यालय जाने कर्मचारीहरु बाढीको कारण घण्टौसम्म रोकिनु परेको छ ।
आज कजवे तर्ने क्रममा देबिराम पोखरेलको लु १२ प ३५०३ नम्बरको होण्डा बाइक बाढीले बगाएको हो ।वाणगंगा ९ साविक भलवाड जिल्लाको सुगम वडा भएपनि वर्षातको समयमा दुर्गमको रुपमा रहेको छ । बाढीको कारण विशेष गरेर सर्पले टोकेका बिरामी, गर्भवति महिलालाई समयमै अस्पताल पु–याउन नसक्दा औषधी उपचारको अभावमा अकालमा मृत्यु हुने गरेको छ ।
