भक्तपुरको सूर्यविनायक नगरपालिका-५ को घताले चोकमा मोटरसाइकल पल्टिँदा एक जनाको मृत्यु भएको छ । मृत्यु हुनेमा रामेछापका २० वर्षीय अनिश श्रेष्ठ रहेको प्रहरीले जनाएको छ ।
मंगलबार बेलुकी बा७३प ४१६१ नम्बरको मोटरसाइकल पल्टिँदा घाइते भएका श्रेष्ठको न्यूरो अस्पताल बाँसबारीमा उपचारका क्रममा मृत्यु भएको हो ।
मोटरसाइकल दुर्घटना भएपछि बचाउन जाने क्रममा भे६प ५०७ नम्बरको मोटरसाइकल पनि पल्टिँदा इलामका २१ वर्षका उज्वल राई र २३ वर्षका सुजल गहतराज घाइते भएका छन् । उनीहरुको डाक्टर इबामुरा अस्पतालमा उपचार भैरहेको छ ।