बलिउड अभिनेत्री तथा मोडल पुनम पाण्डेले बेलाबेलामा सामाजिक संजालमा सनसनी मच्चाउँछिन् । उनी आफ्ना बोल्ड पोस्टका कारण चर्चामा रहिरहन्छिन् ।
उनले एक हप्ताअघि मात्र ब्वाइफ्रेण्ड साम बाम्बेसँग विवाह गरेको घोषणा गरेकी थिइन् । तर, बिहेको एक हप्तामै पूनमले श्रीमानमाथि कु टपिटको आरोप लगाएकी छिन् । उनका पति साम बाम्बे पक्राउ परेका छन् ।पूनमले कु टपिट र धम्की दिएको आरोप लगाएपछि सामलाई पुलिसले गोवाबाट पक्राउ गरेको हो ।
सूत्रका अनुसार घटना सोमबार रातीको हो । रिपोर्टका अनुसार त्यस दिन पूनमले दक्षिण गोवाको एउटा गाउँमा फिल्मको सुटिङ गरिरहेकी थिइन् । घटना यही क्रममा भएको हो । पीटीआइको रिपोर्टअनुसार अब सामको मेडिकल जाँच गरिनेछ र अदालतमा उपस्थित गराइनेछ ।
टाइम्स अफ इण्डियालाई दिएको अन्तरवार्तामा पुनमले साम र आफूबीच भएको घटनाबारे बताएकी छिन् । पुनमका अनुसार एक विवादपछि बहस बढ्दै जाँदा सामले उनीमाथि हात उठाएका थिए । पुनमले भनिन् ‘उनले मेरो घाँटी थिचिरहेका थिए र मलाई लाग्यो म मर्दैछु । उनले मेरो मुखमा मुक्का हाने, मेरो कपाल ताने र बेडको कुनामा मेरो कपाल ठोक्याइदिए । म जसोतसो त्यो कोठाबाट निस्केर भागें । मेरो होटलका स्टाफले पुलिस बोलाए, पुलिसले उनलाई लिएर गए । पछि मैले उनीविरुद्ध उजुरी दिएँ ।’
