चिकित्सा शिक्षा सुधारको माग राख्दै अनसनरत डा.गोविन्द केसीको स्वास्थ्यमा समस्या आएपछि थप उपचारको लागि नेपालगञ्ज लगिएको छ । उनलाई सोमबार दिउँसो ४ बजे समिट एयर मार्फत नेपालगञ्ज लगिएको केटीएम दैनिकका लेखक बालगोपाल देबकोटाले जानकारी दिए ।

जुम्लामा अनसन बसेकै बेला प्रहरीले धरपकड गरि कर्णाली स्वास्थ्य विज्ञान प्रतिष्ठान पुर्याएको थियो। उनले अस्पतालमा कुनैपनि परीक्षण गर्न अस्वीकार गरेका छन्।

विगत सात दिनयता अनसनरत डा केसीलाई अब काठमाडौं ल्याउने तयारी गरिएको छ। जुम्लास्थित कर्णाली स्वास्थ्य विज्ञान प्रतिष्ठानमा उपचार सेवा अस्वीकार गरेपछि केसीलाई उनकै इच्छामा काठमाडौं ल्याउने तयारी भइरहेको छ ।

जुम्लामा प्रहरीको धरपकड बढेपछि डा केसीले काठमाडौंमा अनसन जारी राख्ने तयारी गरेका हुन।