राष्ट्रिय सभा सदस्य मनोनित वामदेव गौतमले आफू राष्ट्रिय सभाको गरिमा बढाउन राष्ट्रिय सभामा आएको बताए। बिहीबार सिंहदरबारमा सपथ ग्रहणपछि मन्तव्य राख्दै गौतमले राष्ट्रिय सभामा यसको गरिमा बढाउने बताए।
‘म राष्ट्रिय सभामा यसको गरिमा बढाउनको निम्ति नेपालको संविधानबमोजिम, राष्ट्रिय सभाको नियमावलीबमोजिम मैले निर्वाह गर्नुपर्ने कर्तव्य निर्वाह गर्नका निम्ति आएको छु,’ गौतमले भने, ‘मैले यो सभाको सदस्य रहँदासम्म कहिल्यै पनि राष्ट्रिय सभाको गरिमा र प्रतिष्ठा गिराउने गरी कुनै क्रियाकलाप गर्ने छैन।’
गौैतमलाई राष्ट्रिय सभा सदस्य बनाइएकोेप्रति धेरैको चित्त दुखाइ छ। कतिसम्म भने उनलाई माननीय नभइ ताननीय भन्दा हुनेसम्मका भद्दा टिप्पणी भइरहेका छन्।
उनले राष्ट्रिय सभा सदस्यको भूमिका निर्वाह गर्दा नेपालको स्वतन्त्रता, राष्ट्रिय स्वाधीनता, सार्वभौम अधिकार र नेपाली जनताप्रति सधैं बफादार भएर कर्तव्य निर्वाह गर्ने बताए।
‘नेकपाले नेपालमा समाजवाद स्थापना गर्ने लक्ष्यका साथ संविधानबमोजिम उपस्थित भएको छ,’ उनले भने,‘त्यसका लागि म आफूलाई समर्पित गर्नेछु। त्योभन्दा मेरो कुनै अर्को उद्देश्य, लक्ष्य र स्वार्थ छैन।’
देश हाँक्ने गौतमको हट बालुवामा पानी
गत निर्वाचनमा पार्टी एकताको घोषणा गर्ने उद्देश्यसहित गठबन्धन निर्माण गरी एमाले र माओवादी केन्द्र प्रतिनिधिसभा चुनावी मैदानमा उत्रिए। जनताले करिब दुई तिहाइ नजिक बहुमत पनि दिए।
तर पार्टी एकता र गठबन्धनका लागि खटिएका मध्येका एक वामदेव गौतमको अनपेक्षित चुनावी नतिजा आयो। बर्दिया १ का जनताले गौतमलाई पराजित गरे।
जनताले हराउँदा पनि देश हाँक्ने चाहना राखेका गौतमले प्रयासलाई छाडेनन्।
करिब आधा दर्जन चुनाव हारेकै नेता रहेका सभामा गौतमले कसरी सभाको गरिमा बढाउने हुन त्यो आगामी दिनमा नै देखिएला।
जनताबाट आलोचित बने पनि प्रधानमन्त्री बन्ने महत्वकांक्षा गौतमले देखाए। त्यसका लागि उनले बारम्बार प्रतिनिधि सभामा जाने असफल प्रयास पनि गरे। तर पार्टी अध्यक्ष तथा प्रधानमन्त्री ओलीले नचाहेपछि प्रयास असफल भयो। अन्तिममा संविधान संशोधन गरेर भए पनि राष्टिय सभाबाटै प्रधानमन्त्री बन्ने असफल प्रयार पनि गरे।
केही सीप नलागेपछि राष्ट्रपतिबाट मनोनित भएर राष्ट्रियसभामा जाने र मन्त्री बन्ने निर्णयमा गौतम पुगे। अब उनी मन्त्री बन्ने बाटो त खुला छ। तर प्रधानमन्त्रीले चाहेमा मात्रै। वा पार्टीले नै अनिवार्य निर्णय गरेमा मात्रै। तर उनको देश हाक्ने सपना भने यो पटकलाई बालुवामा पानी भएको छ।
विकृत लोकतन्त्रको घातक विडम्बना
निर्वाचनमा पराजित भए पनि गौतम संसद भएकोप्रति धेरैलाई चित्त बुझेको छैन। उनीप्रति गरिएका तिखा टिप्पणी सामाजिक सन्जालमा छरपस्ट छन्। कतिसम्म भने उनलाई माननीय नभइ ताननीय भन्दा हुनेसम्मका भद्दा टिप्पणी गरेका छन्। साझा पार्टीले त आपत्ति नै जनाएको छ। यसले गौतमलाई सांसद बनाइनु विकृत बनाइएको नेपालको लोकतन्त्रको घातक विडम्बना भनेर टिप्पणी गरेको छ।
र यो पनि पढ्नुहोस् :
चुनाव हारेर माननीय बनेका बामदेवको आलोचना, तर यी किन गुमनाम ?
‘यो आम नागरिकको अपेक्षामाथिको ठाडो उपहास हो। लोकतन्त्रको मूल्यमान्यता र संविधानको भावनामाथिको निर्मम प्रहार हो। यसबाट भ्रष्ट, अनैतिक, अनुदार र तानाशाही उन्मुख सरकारले जनतालाई पुनः एक पटक “तिमी कराउँदै गर, हामीलाई केही फरक पर्दैन” भन्ने हठी सन्देश दिएको छ’साझाले भनेको छ।
यस्तो बेला राष्ट्रिय सभामा पुगेका गौतमले सभाको गरिमा बढाउने बताएका छन्। करिब आधा दर्जन चुनाव हारेकै नेता रहेका सभामा गौतमले कसरी सभाको गरिमा बढाउने हुन त्यो आगामी दिनमा नै देखिएला।
र यो पनि पढ्नुहोस् :
‘बामदेवलाई मन्त्री बन्न संविधानले रोक्दैन, रोक्ने नैतिकताले हो’