कोरोना संक्रमणले गर्दा बन्द भएको नयाँ अनलाइन दर्ता पुरानो नविकरण वा प्रेस पास लिने कार्यलाई कोटा निर्धारण गरेर सुचारु गरेको छ ।
सूचना तथा प्रसारण विभागले आज एक सूचना जारी गर्दै असोज १ गतेदेखि कोटा प्रणाली निर्धारण गरेको जनाएको छ ।
२०७७ साल असार मसान्तभित्र अनलाइनमार्फत बुझाएको श्रमजीवी पत्रकार तथा व्यवस्थापकको दरवन्दी अनुसार प्रेस पास लिन छुटेकाले असोज १ गतेदेखि प्रेस पास लिन सक्नेछन् ।
प्रेस पास लिनुअगावै कार्यालयको फोन नम्बर ०१-४११२७१७ मा बिहान १० देखि ११ बजेभित्र फोन गरेर आफ्नो नाम टिपाउनुपर्ने छ । पालोअनुसार विभागले बोलाएको दिन मात्र उपस्थित हुन आग्रह गरिएको छ ।
एक दिनमा २ वटा अनलाइन संचारमाध्यमको दर्ता गरिनेछ भने १० वटा पुरानो सञ्चारमाध्यम नविकरण गरिनेछ ।
त्यस्तै १० जनाको नयाँ प्रेस प्रतिनिधि प्रमाणपत्र जारी गरिनेछ भने २० जनाको नविकरण गरिनेछ ।
हेर्नुहोस् विभागले जारी गरेको सूचना