कोरोना भाइरस संक्रमित हुन प्रहरीको संख्या तीन हजार नजिक पुगेको छ ।

पछिल्लो तीन सातायता प्रहरीमा संक्रमितको संख्या बढ्दै गएको छ ।

हालसम्म प्रहरीका चार डीआईजीसहित २ हजार ९ सय ५३ जनामा कोरोना संक्रमण भएको छ । काठमाडौं उपत्यकासहित देशभर कोरोना संक्रमित प्रहरीको संख्या बढ्दै गएको छ । काठमाडौं उपत्यकामा मात्रै ९ सय ३९ प्रहरी कोरोनाका सक्रिय संक्रमित छन् ।

हालसम्म १ हजार २ सय ६१ उपचारपछि डिस्चार्ज भएका छन् । प्रहरी प्रधान कार्यालयमा कार्यरत १ सय ५७ र काठमाडौं उपत्यकाका ७ सय ८२ जना सक्रिय संक्रमित छन् ।

प्रदेश–१ मा १ सय ६५, प्रदेश–२ मा १ सय २, वाग्मती प्रदेशमा १ सय ६२, गण्डकीमा ९१, प्रदेश ५ मा १ सय ३२, कर्णाली प्रदेशमा ४८ र सुदूरपश्चिम प्रदेशमा ५३ जना प्रहरी कोरोनाका सक्रिय संक्रमित रहेको प्रहरी प्रवक्ता एसएसपी कुवेर कडायतले जानकारी दिएका छन् ।