नायिका करिश्मा मानन्धरले आफूलाई पत्रकारहरुले तपाई फलानो व्यक्तिसँग प्रेम सम्वन्धमा हुनुहुन्थ्यो भन्ने प्रश्नले हैरान पारेको बताएकी छिन् ।
४६ वर्ष पुगेकी करिश्माले आफू महिला भएकै कारण घरघरी एउटै प्रश्नको हैरानी खेप्नुपरेको बताएकी हुन् ।
सामाजिक सञ्जाल फेसबुकमा करिश्मा लेख्छिन् “म एउटा विवाहित महिला हुँ परिवारमा बस्छु बिहे ग्ने उमेरको छोरी छ अब त्यस्तो प्रश्नको म के जवाफ दिँउ ।”
पछिल्लो समयमा सामाजिक सञ्जालमा धेरै नै सक्रिय रहने करिश्माको यो प्रश्न जायज रहेको र समयअनुसार पत्रकारहरु पनि परिवर्तन हुनुपर्ने अन्य महिला कलाकारहरुको राय छ ।
करिश्मा लेख्छिन् “त्यही प्रश्न ती पुरुषहरु जो संग मेरो प्रेम सम्बन्ध भनिएको हुन्छ ती मानिसहरु लाई चाहिँ सोधिएको पाउँदिन ! किन रहेछ ? उनिहरु पुरुष भनेर आट नगरेको होकी मलाई महिला भनेर हेपेको ?”
करिश्माको फेसबुक स्टाटस् यस्तो छ ।
एउटा महिला कलाकार भएको नाताले मैले घरीघरी भोग्नु परेको एउटा बिषय के हो भने तपाई फलानो संग प्रेम सम्बन्धमा हुनुहुन्थ्यो रे !! म जुन क्षेत्रमा काम गर्छु त्याहाँ विभिन्न मानिसहरु संग संगत हुन्छ कतिसंग नजिक पनि भइन्छ , यो उमेर सम्म आइपुग्दा पनि अन्तरवार्ता हरुमा त्यो एउटा प्रश्न जरुर आउँछ ! म एउटा बिबाहित महिला हु परिवारमा बस्छु बिहे गर्ने उमेर को छोरी छ , अब येस्तो प्रश्न को के जवाफ दिउ ?
अनि त्यही प्रश्न ती पुरुषहरु जो संग मेरो प्रेम सम्बन्ध भनिएको हुन्छ ती मानिसहरु लाई चाहिँ त्यो प्रश्न सोधिएको पाउँदिन ! किन रहेछ ? उनिहरु पुरुष भनेर आट नगरेको होकी मलाई महिला भनेर हेपेको ?
कमसेकम बिनोद जि र परिवारको त इज्जत गर्नुपर्ने जस्तो नि !! के दर्शकहरुलाइ यस्तो प्रश्न को जवाफ सुनेर रमाइलो हुन्छ होला र ?
के बुझौ भने अहिलेको दर्शक श्रोता धेरै स्मार्ट हुनुहुन्छ सबै कुरा बुझ्नु हुन्छ ।
र यो पनि पढ्नुहोस् :
उमेर ढल्किँदै जाँदा करिश्माकाे सुन्दरता बढ्दै (फोटोफिचर)
