नेपालमा बिहीबार १ हजार २ सय ४६ जनामा कोरोना संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार वितेको २४ घन्टामा ११ हजार १ सय ४४ नमूना परिक्षण गर्दा सो संख्यामा कोरोना संक्रमण देखिएको बताए ।
योसँगै नेपालमा कोरोना संक्रमितको संख्या ५० हजार ४ सय ६५ पुगेको छ ।
१२ सय भन्दा बढी संक्रमित थपिँदा १ हजार १ सय १८ जना कोरोनामुक्त भएर घर फर्केका छन् । यसरी कोरोना मुक्त हुनेको संख्या ३५ हजार ७ सय पुगेको गौतमले नियमित प्रेस ब्रिफिङ्गमा जानकारी दिए ।
थप ५ जनाको निधन भएसँगै नेपालमा कोरोना संक्रमणबाट निधन हुनेको संख्या ३ सय १७ पुगेको छ ।
अहिलेसम्म नेपालमा ८ लाख १० हजार ४ सय ८५ जनाको पीसीआर विधिवाट नमूना परिक्षण गरिएको छ ।