बलिउडमा यस्ता केही कलाकार छन्, जसको जन्म विदेशी मुलुकमा भए पनि कर्मभूमि भने भारतमा बनाए । भारतीय फिल्म उद्योगमा प्रवेश गरेका यीमध्ये केही कलाकार अहिले सफल कलाकारका रूपमा दरिएका छन्, भने केही चाहिँ फ्लप झैँ साबित भए ।
बलिउडकी चर्चित अभिनेत्री ज्याकलिन फर्नान्डिजको जन्म श्रीलङ्कामा भएको हो । उनले सन् २००९ मा बलिउड फिल्म ‘अलादीन’बाट आफ्नो डेब्यू गरेकी थिइन् ।
अभिनेत्री सनी लियोनीले आफ्नो मेहनतले बलिउडमा पहिचान बनाइन् । सनीको जन्म क्यानडामा भयो र उनी टेलिभिजन रियालिटी सो ‘बिग बोस’मा प्रवेश गरिन् । बलिउडमा आउनु अघि उनी पो’र्न स्टारका रूपमा परिचित थिइन् ।
फिल्म ‘२.०’ र ‘सिंह इज ब्लिङ’ जस्ता फिल्ममा काम गरिसकेकी सुन्दरी अभिनेत्री एमी ज्याक्सनको जन्म ब्रिटेनमा भएको हो । उनी एक ब्रिटिस नागरिक हुन् । बलिउडका अलावा एमीले कैयौँ दक्षिण भारतीय फिल्ममा पनि काम गरिसकेकी छन् ।
बलिउडकी ‘चिकनी चमेली’ उर्फ कटरीना कैफका पिता कश्मीरी र आमा ब्रिटिस नागरिक हुन् । उनको जन्म हङकङमा भएको थियो । जन्मिएको केही समयमा नै उनको परिवार लण्डन सिफ्ट भएको थियो ।
विदेशमा जन्मिने कलाकारको सूचीमा दीपिका पादुकोण पनि पर्छिन् भन्दा सबै आश्चर्यमा पर्लान् । तर यो कुरा सत्य हो । दीपिकाको जन्म १९८७ मा डेनमार्कमा भएको थियो ।
अभिनेता इमरान खान बलिउड अभिनेता आमिर खानका भान्जा हुन् । उनको जन्म अमेरिकाको बिस्कोन्सिनमा भएको हो । भलै इमरान आजकल फिल्मबाट टाढिएका छन् ।
पछिल्लो समयमा यस अनलाइनमा प्रकाशित भएका खोजमूलक समाचारहरू कपि गरेर आफ्नो साइटमा राख्ने पाइएको हुनाले यसो नगर्न सूचित गरिन्छ । अन्यथा नेपालको प्रतिलिपि अधिकार ऐन र सामाजिक सञ्जाल फेसबुकको Intellectual Property Right अनुसार उजुरी गरिनेछ ।