४५ वर्षपछि चीन भारत सीमा गो ली चलेको छ ।
भारतीय सेनाले चिनियाँ सेनाले लद्दाखस्थित विवादित सीमा क्षेत्रमा हवाइ फा यरिङ गरेको आरोप लगाएको छ ।
१९७५ पछि भारत–चीन सिमानामा गो ली चलाइएको थिएन । भारतीय सेनाले भने विज्ञप्तिमा वास्तविक नियन्त्रण सीमा रेखामा उपस्थिति घटाउन आफूहरु प्रतिवद्ध रहेको जनाएको छ । तर चीनले उत्तेजित पार्ने गतिविधि आफूहरुप्रति गर्दैआएको भारतीय सेनाको दावी छ । यतिसम्म कि, उत्तेजित पार्ने क्रममा गो ली प्रहार समेत गरेको आरोप भारतीय सेनाले लगाएको छ ।
चीनको सरकारी मिडिया ग्लोबल टाइम्सले चिनियाँ सेनाका एक प्रवक्तालाई उद्धृत गर्दै स्थितिलाई स्थिर राख्नका लागि चिनियाँ सैनिकले बाध्य भएर जवाफी कारवाही गर्नुपरेको जानकारी दिएको छ ।
सीमा क्षेत्रमा केही समययता जारी तनाबका बीच भारतीय सेना प्रमुख जनरल मनोज नराभानेले रक्षामन्त्री राजनाथ सिंहलाई घटनास्थलको वस्तुस्थितिबारे जानकारी गराएका थिए ।
चिनियाँ जनमुक्ति सेनाले भारतीय सेनालाई वास्तविक नियन्त्रण रेखाबाट पार गरेको, प्यांगोङ लेकको दक्षिण घाटी र सेन्पाओ हिमालमा प्रवेश गरेको आरोप लगाएको छ । साथै भारतीय सेनाले त्यहाँबाट चेतावनीयुक्त गो ली प्रहार गरेको चिनियाँ सेनाको आरोप छ ।
यस्तै दुई देशबीच कुटनीतिक संवाद जारी रहँदा चिनियाँ सेनाहरु सिमानामा यु द्धअभ्यास गर्ने गरेको भन्दै भारतीय सेनाले रोष प्रकट गरेको छ । साथै भारतीय सेनाले सीमाक्षेत्रमा शान्ति र सद्भाव कायम गर्न प्रतिवद्ध रहेको भन्दै राष्ट्रिय अखण्डता र सार्वभौमिकता रक्षाको लागि जुनसुकै मुल्य चुकाउन तयार रहेको उल्लेख गरेको छ ।
यद्यपि गत सोमबार दुई देशका सैनिक ब्रिगेडियर स्तरमा वार्ता भएको थियो । साथै रुसको मस्कोमा समेत पछिल्लो साता दुई देशका रक्षामन्त्रीहरुबीच भेटवार्ता भएको थियो ।
गत जुन १५ तारिखमा पनि पूर्वी लद्दाखको गलवान उपत्यकामा दुई देशका सैनिकबीच हिंसात्मक झड प हुँदा भारततर्फ २० जना मारिएका थिए । त्यसपछि दुई देशका सैनिकबीच सीमा क्षेत्रमा कसैले अतिक्रमण नगर्ने र शान्ति स्थापना गर्ने सहमति भएको थियो ।
भारत र चीनबीच सीमामा लामो समयदेखि तनाव हुँदै आएको छ। दुई देशबीच सन् १९६२ मा यु द्ध भएको थियो। त्यसमा भारत नराम्ररी पराजित भएको थियो।
चीनले आफ्नो ३८,००० वर्ग किलोमिटर क्षेत्र ओगटेको भारतको आरोप छ। त्यसका लागि हजारौँ चिनियाँ सैनिक आएको उसको दाबी छ।