कोरोना भाइरस संक्रमणका कारण विदेशमा रोजगार गुमाएका नेपाली कामदारहरुलाई सरकारले केही नगरेको भन्दै साउदी दूतावास अगाडी प्रदर्शन भएको छ ।
विश्वको अर्थतन्त नै तहसनहस हुने गरी सुरु भएको कोरोना माहामारीको बेला सरकारले दीर्घकालीन योजना नल्याउदा नेपालमा रहेको नेपाली मात्र नभइ विदेशमा रहेका नेपाली समेत आक्रोशित बनेका छन् ।
सरकारको कार्यशैली गुनासो गर्दै साउदी अरबमा रहेका नेपालीले सरकारको विरोध गर्दै विरोध प्रदर्शन नै गरेका छन् । रोजगारीको सिलसिलामा साउदी अरेयिबा पुगेर पछिल्लो समय अलपत्र परेका नेपालीहरुले सरकार विरुद्ध विदेशी भूमिबाट नै विरोध प्रदर्शन गरेका छन् ।
प्रधानमन्त्री केपी शर्मा ओलीको राजीनामा माग गर्दै प्रदर्शन गरेको एक भिडियो पछिल्लो समय सामाजिक सञ्जालमा भाइरल नै बनेको छ ।
प्रतिकुल अवस्थामा समेत आफ्ना जनता प्रति सरकार उत्तरदायी न बनेको भन्दै उनीहरुले आक्रोश समेत व्यक्त गरेका थिए । साथै साउदी अरबमा रहेको नेपाली दूतावासले आफुहरुको पीडा न बुझेको भन्दै दूतावास खारेजको समेत माग गरेका छन् । यो समस्या साउदी अरबको मात्र होइन, नेपालीहरु रोजगारीको सिलसिलामा पुगेको अधिकांश मुलुकमा रहेको छ ।
एकातिर सरकारको चर्को मूल्यदरको उद्धार नीति र अर्को तिर महिनौदेखि रोजगारी गुमेका नेपालीहरु विदेशमा नै चरम अभाव भोगेर बस्नुपर्ने अवस्था रहेको छ ।
