२०२० बलियडको लागि दुखद साल बन्न पुगेको छ । २० भन्दा बढी दिग्गज कलाकार गुमाएको बलिउडमा धेरै कलाकारहरु कोरोना संक्रमणबाट ग्रस्त भएका छन् । कनिका कपुर देखि अमिताभ बच्चनको परिवार हुदै अब कपुर परिवारमा प्रवेश गरेको छ ।
बलिउड अभिनेता अर्जुन कपुर कोरोना बाट संक्रमित भएको आफ्नो इन्टाग्राममार्फत जानकारी दिएका हुन् ।
https://www.instagram.com/p/CEydxJNp3mB/?utm_source=ig_embed
अर्जुन कपुर निखिल आडवाणीको ब्यानरमा बनेको फिल्मको सुटिङ फिल्मसिटीमा गरिरहेका थिए । त्यहाँ भारत पाकिस्तानको सीमावर्ती इलाकाको सेट बनेको छ । यो विभाजनको नकारात्मक पक्षको प्रेम कथामा आधारित फिल्म हो ।
अर्जुन कपुरको आधिकारिक बयान आउनुअघि नै भारतको सञ्चारमाध्यम दैनिक भास्करले अर्जुनको टीम र निर्माता निखिल आडवाणीसँग सम्पर्क गरेको तर उनीहरुले आधिकारिक जानकारी दिनुअघि समय माग गरेको बताइएको थियो । अर्जुनका पिता बोनी कपुरले पनि यसका लागि समय मागेका थिए ।