अमेरिकी राष्ट्रपति चुनावको माहौल तातिरहेकै बेला अल कायदाका पुर्व नेता ओसामा बिन लादेनकी भतिजीको ताजा बयानले थप हलचल ल्याएको छ । उनले डोनाल्ड ट्रम्पले मात्रै अमेरिकालाई सेप्टेम्बर ११ जस्ता हमलाबाट बचाउन सक्ने दावी गरेकी छन् ।
उनले जोय् बाइडेन अमेरिकाको राष्ट्रपति निर्वाचित भएमा सोही प्रकारको हमला हुन सक्ने बताइन् । सन् २००१ सेप्टेम्बर ११ मा इस्लामिक कट्टरपन्थी संगठन अलकायदाले अमेरिकामा ४ वटा त्रासदी पुण आक्रमण गरेका थिए । ती हमलामा २ हजार ९ सय ७७ को मृत्यु भएको थियो भने २५ हजार भन्दा धेरै घाइते भएको थियो ।
न्युयोर्क पोस्टलाई दिएको एक अन्तरवार्तमा ओसामा बिन लादेनकी भतिजी नुर बिन लादिनले भनिन् , आईएसआईएसले ओबामा र बाइदेनको कार्यकालमा उनीहरु युरोप सम्म आएको बताए । ट्रम्पले अमेरिका र हामीलाई विदेशी खतराबाट बचाउन सक्छ भन्ने देखाइदिए । उनले आतंबवादीहरुलाई आक्रमण गर्ने अवसर पाउनु अघि नै समाप्त पार्न सक्छ ।
नुरु बिन लादिन ओसामा बिन लादेनका दाजु यसलाम बिन लादिनकी छोरी हुन् । यसमानको विवाह प्रसिद्ध स्विस लेखक कामेन ड्युफोरसँग भएको हो । सन् १९८८ मा यसमा र कारमेनबीच सम्बन्ध विच्छेद भएको थियो । त्यतिबेला देखि नुर बिन लादिन आफनी दुई बहिनी वफा र नाजियासँग स्विजरल्यान्डमा आफ्नी आमासँग बस्दै आइरहेकी छन् । यो परिवारले ओसामा बिन लादेनबाट आफुलाई टाढा देखाउन आफनो उपनामको लादेनको स्थानमा लादिन लेख्ने गरेको छ ।