सिरहाको बर्यारपटि गाउँ पालिकामा वडा नम्बर १ कचनारीमा धानमा पानी पटाउने विषय लिएर बिवाद उग्ररुप लिएपछी ३ प्रहरी सहित दर्जनौं ब्यक्ति घाइते भएका छन् ।
शुक्रबार राती करीब ९ बजे तिर रामनाथ यादव र बिजय यादवको पक्ष बिच धान पटाउने विषय लाई लिएर विवाद उग्ररूप लिएपछि परिस्थिति असामान्य बनेको हो ।
स्थानीय अजय यादवको खेतमा रहेको बोडिङमा विद्युतबाट चल्ने पानी तान्ने मोटरबाट पानी धान खेतमा पानी म पहिला हाल्छु त, म पहिला हाल्छु – भन्दै बिवाद उग्ररूप लिए पछि झगडा भएको थियो ।
घाइते हुनेमा दिनेश कुमार यादवको १० टाका लगेको छ भने श्याम कुमार भगतलाई ४ वटा टाका र मिथिलेश यादव लाई ३ वटा टाका लगाइएको छ । घाइतेलाई सरकारी अस्पतालमा उपचार गराइरहेको पीडितले बताएका छन् ।
यता १० जनाको एक समुहले राज कुमार यादवको श्रीमती स्वस्तिका कुमारी गिरी यादवलाई घरमा गई बोक्सिको आरोपमा कुटपीट गरिएको छ । उक्त घटनामा नेपाल प्रहरीको दुई जवान र सशस्त्र प्रहरीका एकजना घाइते भएको बताइएको छ ।
