भौतिक पूर्वाधार तथा यातायात मन्त्रालयका उच्च अधिकारीलाई कोभिड–१९ संक्रमण पुष्टि भएपछि सो मन्त्रालय सम्हालेका मन्त्री वसन्तकुमार नेम्वाङ क्वारेन्टाइनमा बसेका छन् ।
मन्त्रालयका एक कर्मचारीका अनुसार ती अधिकारीमा कोरोना संक्रमण पुष्टि भएपछि मन्त्रालयका सबै कर्मचारीको कन्ट्याक्ट ट्रेसिङ शुरु भएको छ ।
कर्मचारीहरुको शुक्रवार दिउँसो सिंहदरबारस्थित मन्त्रालयमा स्वाब लिइएको छ । उच्च अधिकारीलाई बुधवार संक्रमण पुष्टि भएको थियो ।
यता भौतिक मन्त्री वसन्तकुमार नेम्वाङ भने पुल्चोकस्थित मन्त्री क्वाटरमा छन् । ती कर्मचारीका अनुसार मन्त्री नेम्वाङ शुक्रवारको मन्त्री परिषद्मासमेत सहभागी भएनन् । आज शनिबार नेम्वाङको स्वाव लिइने बताइएको छ ।