काठमाडौं- नेपालमा पछिल्लो २४ घण्टा अहिलेसम्मकै धेरै कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार देशभर रहेका प्रयोगशालामा १३ हजार ६ सय ३८ जनाको परिक्षण गर्दा १ हजार ३ सय ५९ जनाको नमूना पोजेटिभ भेटिएको हो । आज संक्रमित भेटिएकामध्ये महिलाको संख्या ४ सय ६४ छ भने पुरुषको संख्या ८ सय ९६ रहेको छ ।
यसअघि भदौ १८ गते १ हजार २ सय २८ जनामा सङ्क्रमण पुष्टि भएको थियो। त्यसअघि भदौ १७ गते १ हजार १ सय २० जनामा, भदौ १६ गते १ हजार ६९ जनामा, भदौ १४ गते १ हजार २ सय २१ जनामा र भदौ ११ गते १ हजार १ सय ११ जनामा देखिएको पुष्टि गरेको थियो।
त्यसअघि भदौ २ गते सङ्क्रमितको सङ्ख्या पहिलो पटक १ हजार नाघेको थियो।
यो सँगै कोरोना संक्रमितको कुल संख्या ४४ हजार २ सय ३६ पुगेको छ ।
पछिल्लो २४ घण्टामा थप १३५४ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २५ हजार ५६१ पुगेको छ ।
उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।
मन्त्रालयका अनुसार शुक्रबारसम्म कोरोनाका कारण ज्यान गुमाउनेको संख्या २७१ पुगेको छ ।
र यो पनि पढ्नुहोस् :
