निजी क्षेत्रको विमान सेवा प्रदायक हिमालय एयरलाइन्सले आगामी १७ देखि असोज १३ गतेसम्म चार्टर्ड उडानको जिम्मा पाएको छ ।
कोरोना महामारीपछि सरकारले गर्दै आएको उद्धारको यो छैटौं उडान हो ।
एयरलाइन्सले भदौ १७ गतेबाटै उडान भर्ने जानकारी गराउदै भदौ ३० गतेसम्मको उडान तालिका सार्वजनिक गरेको छ ।
तालिका अनुसार उसको पहिलो उडान काठमाडौं–माले–काठमाडौं उडान हुनेछ। सेप्टेम्बर २ तारिकमा हुने उडानको भाडा प्रतियात्रु ४८० अमेरिकी डलर तोकिएको छ ।
त्यस्तैगरी सेप्टेम्बर ३, ६, ८, २३ तारिखमा कतारको राजधानी दोहा देखि काठमाडौंसम्मको भाडादर ३९२ डलर तोकिएको छ ।
यस्तै सेप्टेम्बर ९, १७, २२ र २९ तारिखमा साउदी अरेबियाको दमाम देखि काठमाडौंसम्मको लागि उडान हुनेछ जसको भाडादर प्रतियात्रु ४६३ अमेरिकी डलर लाग्नेछ । सेप्टेम्बर १५ मा कुवेतबाट काठमाडौंको लागि उडान हुनेछ । कुवेतबाट काठमाडौंसम्म आउनको लागि यात्रुले ४१० अमेरिकी डलर तिर्नुपर्ने हुन्छ ।
त्यस्तै नेपाल आउने यात्रुले ७२ घण्टा भित्र गरिएको पीसीआर परीक्षणको रिपोर्ट अनिवार्य देखाउनुपर्ने बताइएको छ । सरकारले पीसीआर नेगेटिभ रिपोर्ट देखाए्र नेपाल आउने यात्रुलाई सिधै घर जान दिने बताएको छ । तर उनीहरुले १४ दिन होम क्वारेन्टाइनमा बस्नुपर्ने प्रतिबद्धता जनाउनुपर्नेछ ।
त्यस्तै पीसीआरको सुविधा नभएको मुलुकबाट आउने यात्रुले काठमाडौं आएर सशुल्क होटल क्वारेन्टाइनमा बस्नुपर्नेछ । उनीहरु ७ दिनको होटल क्वारेन्टाइन बसाइपछि पीसीआर परीक्षण गरि नेगेटिभ रिपोर्ट आएपछि घर जान पाउनेछन् ।
हेर्नुहोस मुल्यसूची र सम्पर्क गर्ने स्थान
