कास्कीमा शनिबारदेखि यातायातको साधन सञ्चालनमा जोर–बिजोर प्रणाली लागू हुने निर्णय गरिएको छ ।
जिल्ला प्रशासन कार्यालय कास्कीले शुक्रबार मध्यराति १२ बजेदेखि भदौ २० गते मध्यराति १२ बजेसम्म निजी सवारी साधन तथा टयाक्सी सञ्चारमा जोर बिजोर प्रणाली लागू गर्ने निर्णय गरेको हो ।
जिल्ला प्रशासन कार्यालयले जारी गरेको सूचनामा कास्की जिल्लाभर मात्र जोर विजोर प्रणाली अनुसार जोर गते जोर नम्बरका र विजोर गते विजोर नम्बरका ट्याक्सी तथा नीजि सवारी साधनहरु बिहान ६ बजेदेखि राति ९ बजेसम्म सञ्चालन गर्न सकिने बताएको छ ।
सार्वजनिक यातायातका साधनामा ट्याक्सीमात्रै चलाउने पाइने छ । यात्रुबाहक बस तथा माइक्रो सञ्चालनमा भने रोक लगाइएको छ ।
यसअघि भदौ २ गते रातिदेखि भदौ १२ गते रातिसम्म कास्कीमा निषेधाज्ञा जारी गरिएको थियो ।