अहिले नेपाल विद्युत प्राधिकरणका कार्यकारी निर्देशक कुलमान घिसिङको कार्याकाल सकिन आँटेको छ ।
२०७३ साल भदौ २९ गते सरकारले उनलाई ४ वर्षको लागि नेपाल विद्युत प्राधिकरणको कार्याकारी निर्देशकमा नियुक्त गरेको थियो अब उनको कार्यकाल अझै केही दिन बाँकी नै छ।
यहिबिचमा मंगलबार दिउँसो सरकारले कुलमान घिसिङलाई पुन: नियुक्ति दिएको हल्लाले सामाजिक सञ्जाल मात्र होइन नाम चलेका सञ्चारमाध्यम समेत पङ्गु बनेका थिए ।
यो समाचारमा हामी कुलमानको विषयमा भन्दा पनि नेपालमा विद्युतको अवस्था के छ भन्ने बारेमा चर्चा परिचर्चा गर्नेछौं ।
२०७६/७७ को आर्थिक सर्वेक्षण अनुसार सबैभन्दा पिछडिएको कर्णाली प्रदेशमा विद्युत सेवा विस्तार पनि निकै ढिलो गतिमा बढिरहेको तथ्यांक सार्वजनिक भएको छ । सबैभन्दा धेरै बागमती प्रदेशमा ९५ प्रतिशत जनसंख्यामा विद्युत पहुँच पुगेको छ भने सबैभन्दा कम कर्णाली प्रदेशमा २७ प्रतिशत जनसंख्यामा मात्रै विद्युत पहुँच पुगेको छ।
प्रदेशगत हेर्नेहो भने प्रदेश १ मा ८६ दशमलव ३, प्रदेश २ मा ८७ दशमलव २५, बाग्मती प्रदेश मा ९५ दशमलव ८३, गण्डकी प्रदेशमा ८७ दशमलव ४८, प्रदेश ५ मा ८९ दशमलव ०७ प्रतिशत, कर्णाली प्रदेशमा सबैभन्दा न्यून अर्थात २७ दशमलव ७४ प्रतिशत र सूदुरपश्चिम प्रदेशमा ६७ दशमलव ३३ प्रतिशत जनताको पहुँचमा विद्युत सेवा पुगेको छ ।
प्रदेश | विद्युतको पहुँच |
---|---|
प्रदेश १ | ८६.३ प्रतिशत |
प्रदेश २ | ८७.२५ प्रतिशत |
बाग्मती प्रदेश | ९५.८३ प्रतिशत |
गण्डकी प्रदेश | ८७.४८ प्रतिशत |
प्रदेश ५ | ८९.०७ प्रतिशत |
कर्णाली प्रदेश | २७.७४ प्रतिशत |
सूदुरपश्चिम प्रदेश | ६७.३३ प्रतिशत |