जिल्ला प्रशासन कार्यालय झापाले बिर्तामोडका केही स्थानमा निषेधाज्ञा जारी गरेको छ ।
बिर्तामोड–५ मा समुदायस्तरमा कोरोना देखिएपछि जिल्ला प्रशासन कार्यालयले मुक्तिचोक, शनिश्चरे रोडपूर्व, ट्राफिक कार्यालय उत्तर कृषि विकास बैंक, दक्षिणमा हिकोला रोड, पश्चिममा रत्न सुपरमार्केट र आसपास जोडिएका पसल, तमुटोल क्षेत्र, महेन्द्र राजमार्ग दक्षिण हनुमान सेन्ट्रलसम्मको क्षेत्र अर्को सूचना नभएसम्मका लागि लकडाउन गरिएको हो ।
प्रशासन कार्यालयले विज्ञप्ति जारी गर्दे संक्रामक रोग सम्बन्धि ऐन २०२० को दफा २ अनुसार निषेधाज्ञा गरेको जानकारी गराएको छ ।
निषेधाज्ञाको समयमा अत्यावश्यक सवारी साधन, सरकारी नम्बर प्लेटका सवारी साधन, कार्यालय कर्मचारीले प्रयोग गर्ने सवारी साधन, ढुवानीका साधन तथा निर्माण सामाग्री बोकेका सवारी साधन र इजाजत प्राप्त सवारी साधनबाहेक अन्य सबै प्रकारका (बस, सिटी सफारी, ट्रक, कार, जीप, टेम्पो, माइक्रो बस) हरुको आवागमन बन्द गरिएको छ ।
