यातायात व्यवस्था विभागले सवारी चालक अनुमति पत्र नविकरण गर्दा जरिवाना नलाग्ने बताएको छ ।
विभागले आज एक सूचना जारी गर्दै सवारी चालक अनुमतिपत्र नविकरण गर्ने म्याद बन्दाबन्दी (लकडाउन) को अवधिभित्र परेमा २०७७ साल भाद्र मसान्तसम्म नविकरण गर्दा जरिवाना नलाग्ने जनाएको हो ।
विभागले जारी गरेको सूचनाले घुमाउरो पारामा भाद्र मसान्तसम्म सवारी चालक अनुमतिपत्र नविकरण गर्न आग्रह गरिएको हो ।
सवारीचालक अनुमतिपत्र नविकरण गर्न जाँदा कोरोना संक्रमित भइने डर छ । देशभरका यातायात कार्यालयमा देखिने भिडभाड सबैतिर जगजाहेर नै छ ।
भदौ मसान्त पछि के गर्ने भन्ने बारेमा विभाग केही बोलेको छैन ।
काठमाडौं उपत्यकामा निषेधाज्ञा जारी छ, भाद्र १० गतेसम्म जारी भएको निषेधाज्ञा थप हुने संकेत आइरहेका बेला आम मानिसहरुले सवारी चालक अनुमति पत्र नविकरण गर्न समस्या देखिन्छ ।