काठमाडौंमा उपत्यकामा थप एक हप्ता निषेधाज्ञा थप्ने तयारी गरिएको बुझिएको छ ।

काठमाडौं उपत्यकामा कोरोनाको संक्रमित थपिने क्रम जारी रहेकोले एक हप्ता थप्ने निर्णय गरेको स्रोतले दाबी गरेको छ ।

विगत केही दिनदेखि काठमाडौं उपत्यकमा दैनिक २ सय भन्दा बढी संक्रमित भेटिन थालेका छन् । सोमबार मात्रै उपत्यकामा २ सय २४ कोरोना संक्रमित भेटिए ।

आजसम्मको तथ्यांकलाई हेर्नेहो भने काठमाडौं उपत्यकाका तीन जिल्लामा मात्रै कोरोना संक्रमितको संख्या ३ हजार ४ सय ८४ पुगेको छ । जसमा काठमाडौंमा २ हजार ७ सय ५६ जना, भक्तपुरमा २ सय ८६ जना र ललितपुरमा ४ सय ४४ जना रहेको स्वास्थ्य तथा जनसंख्या मन्त्रालयले जनाएको छ ।

स्थानिय प्रशासनले लगाएको निषेधाज्ञा भदौ १० गते राती १२ बजे सकिदैछ । तर स्थानिय तहले १५ गतेसम्म अत्यावश्यक बाहेकका सम्पूर्ण सेवाहरु बन्द गर्ने निर्णय गरेर सिडिओहरुलाई निषेधाज्ञा लम्व्याउन दवाव दिएको बुझिएको छ ।

यस्तै अवस्था रहिरहयो भने निषेधाज्ञा थप १ हप्ता थपिने स्रोतले बताएको छ ।

उपत्यका नगरपालिका फोरमले १५ गतेसम्म स्थानीय तह र वडा कार्यालयले दिने अत्यावश्यक बाहेक सेवा बन्द गरेपछि विवाह दर्ता, निशुल्क उपचार सिफारिस, विषय प्रमाणीकरण, नक्सापास प्रमाणितको काम पनि रोकिनेछ ।

यसैगरी व्यक्तिगत विवरण दर्ता, पूर्जामा घर कायम गर्ने सिफारिस, नाता प्रमाणित, जग्गाधनी पुर्जा हराएको सिफारिस, कागज र मञ्जुरीनामा प्रमाणित गर्ने, कित्ताकाट सिफारिस गर्ने, हकवाला र हकदार प्रमाणित, नामसारी सिफारिस गर्ने काम पनि रोकिनेछ ।