काठमाडौं उपत्यका नगरपालिका फोरमले स्थानीय तह र वडा कार्यालयले दिने अत्यावश्यक बाहेकका सेवा भदौ १५ गतेसम्मका लागि बन्द गर्ने निर्णय गरेको छ ।
उपत्याकामा कोरोनाको महामारी फैलिँदै गएकाले भदौ १५ गतेसम्म सेवा बन्द गर्नस निर्णय भएको फोरमका अध्यक्ष समेत रहेका काठमाडौं महानगरपालिकाका मेयर विद्यासुन्दर शाक्यले बताए ।
काठमाडौं उपत्यकामा तीनवटा जिल्ला प्रशासन कार्यालयले भाद्र १० गते राति १२ बजेसम्मका निषेधाज्ञा जारी गरेका छन् । हिजोदेखि उपत्यकामा अत्यावश्यक सेवाहरु उपलव्ध गराउने पसलहरु बिहान सबा नौ बजेसम्म खोल्ने निर्णय भएको थियो । (हेर्नुहोस समाचार )
उपत्यका नगरपालिका फोरमले १५ गतेसम्म स्थानीय तह र वडा कार्यालयले दिने अत्यावश्यक बाहेक सेवा बन्द गरेपछि विवाह दर्ता, निशुल्क उपचार सिफारिस, विषय प्रमाणीकरण, नक्सापास प्रमाणितको काम पनि रोकिनेछ ।
यसैगरी व्यक्तिगत विवरण दर्ता, पूर्जामा घर कायम गर्ने सिफारिस, नाता प्रमाणित, जग्गाधनी पुर्जा हराएको सिफारिस, कागज र मञ्जुरीनामा प्रमाणित गर्ने, कित्ताकाट सिफारिस गर्ने, हकवाला र हकदार प्रमाणित, नामसारी सिफारिस गर्ने काम पनि रोकिनेछ ।