मुम्बई(एजेन्सी) । बलिउडमा यस्ता कैयौं कलाकारहरु छन्, जो अभिनयमा आउनु अघि नै स्थापित भइसकेका थिए । बलिउडमा यस्ता केही अभिनेत्रीहरु छन्, जो बलिउडमा डेब्यू गर्नुअघि सौन्दर्य प्रतियोगिताको विजेता बनेका थिए ।
हालैमात्र वेब सिरिज ‘आर्या’बाट कमब्याक गरेकी अभिनेत्री सुस्मिता सेनले सन् १९९४ मा मिस इण्डियाको उपाधि जितेकी थिइन् । उनले सोही वर्ष १९ वर्षको उमेरमा मिस युनिभर्सको ताज जितिन् ।
अभिनेत्री नम्रता शिरोडकरले सन् १९९३ मा मिस इण्डियाको ताज पहिरिइन् । उनले ‘पुकार’, ‘हीरो हिन्दुस्तानी’, ‘जब प्यार किसी से होता हे’ जस्ता फिल्ममा अभिनय गरिसकेकी छन् ।
फिल्म ‘दामिनी’ अभिनेत्री मीनाक्षी शेषाद्रिले सन् १९८१ मा मिस इण्डियाको उपाधि जितिन् र फिल्म ‘पेन्टर बाबू’का साथ बलिउड यात्रा शुरु गरिन् ।
अभिनेत्री जुही चावलाले ‘सन् १९८४ मा मिस इण्डियाको उपाधि जितिन् । यो उपाधिको ताज उनले अभिनेत्री रेखाको हातबाट लगाउन पाइन् । उनले मिस युनिभर्समा भारतको प्रतिनिधित्व गरे पनि उत्कृष्ट १० मा पर्न सकिनन् ।
अभिनेत्री तनुश्री दत्ताले २० वर्षको उमेरमा सन् २००४ मा फेमिना मिस इण्डियाको उपाधि जितिन् । उनले मिस युनिभर्समा सहभागिता जनाएर उत्कृष्ट १० मा आफूलाई पु¥याइन् । उनले सन् २००५ मा फिल्म ‘चकलेट’बाट बलिउड यात्रा शुरु गरिन् ।
केटीएम दैनिकको अनुमति बिना कपी नगर्नुहोला ।
अभिनेत्री लारा दत्ताले एकपटक नभई दुई पटक उपाधि जितिन् । उनले सन् १९९७ मा मिस इन्टरकन्टिनेन्टल र सन् २००० मा मिस युनिभर्सको उपाधि जितिन् । उनले अक्षय कुमारसँग फिल्म ‘अन्दाज’मा अभिनय गर्दै बलिउड यात्रा शुरु गरिन् ।
पद्म श्री अवार्ड विजेता अभिनेत्री प्रियंका चोपडाले सन् २००० मा मिस वल्र्डको उपाधि जितेकी थिइन् । उनले तमिल फिल्म ‘थमिजजान’बाट अभिनय यात्रा शुरुवात गरेकी थिइन् । त्यसपछि मात्र बलिउड फिल्म ‘द हीरोः लव स्टोरी अफ अ स्पाई’मा काम गरिन् । प्रियंका अहिले बलिउडको सर्वाधिक आम्दानी गर्ने अभिनेत्री बनेकी छन् ।
अभिनेत्री दिया मिर्जाले सन् २००० मा मिस एसिया प्यासिफिकको उपाधि जितिन् । यो उपाधि पछि उनी फिल्म ‘रहना है तेरे दिल मे’बाट बलिउड यात्रा शुरु गरिन् ।
अभिनेत्री नेहा धूपियाले सन् २००२ मा फेमिना मिस इण्डियाको ताज जितिन् । उनले ‘जुली’, ‘एक चालिस की लास्ट लोकल’, ‘लस्ट स्टोरीज’ लगायतका फिल्ममा अभिनय गरिन् ।
अभिनेत्री ऐश्वर्या राय बच्चनले सन् १९९४ मा मिस वल्र्डको उपाधि जितिन् । यसको तीन वर्ष पछि तमिल फिल्म ‘इरुवर’बाट फिल्म उद्योगमा छिरिन् ।
‘दम मारो दम’ गर्ल जिनत अमान आफ्नो समयको सर्वाधिक पारिश्रमिक लिने अभिनेत्रीमा पर्दथिइन् । उनले १९ वर्षको उमेरमा मिस इण्डियाको ताजलाई आफ्नो पोल्टामा पारिन् । यसपछि मिस एशिया पैसिफिक इन्टरनेशनलको उपाधि उचालिन् ।
केटीएम दैनिकको अनुमति बिना कपी नगर्नुहोला ।