भारतमा कोरोना भाइरसबाट सङ्क्रमित भएकाहरुको संख्या झण्डै तीस लाख पुगेको छ । पछिल्लो तथ्यांकअनुसारमा भारतमा कुल सङ्क्रमितको संख्या २९ लाख ७९ हजार ५ सय ६२ पुगेको छ ।
वितेको २४ घन्टामा ६९ हजार ३९ नयाँ संक्रमित थपिएको भारतको केन्द्रिय स्वास्थ्य तथा परिवार कल्याण मन्त्रालयले शनिबार जनाएको छ ।
कुल सङ्क्रमित मध्ये ७ लाख ४ सय १० जना अझै पनि सङ्क्रमित अवस्थामै रहेका छन् । त्यस बाहेक २२ लाख २३ हजार २ सय २ जना सङ्क्रमणमुक्त भएका छन् । भारतमा कोरोनाभाइरसबाट सङ्क्रमित भएका मध्ये ९ सय ५३ जनाको पछिल्लो २४ घण्टामा मृत्यु भएको पनि अधिकारीहरुले जनाएका छन् ।
योसँगै भारतमा कोरोनाका कारण अहिलेसम्म कुल ५५ हजार ९ सय ४० जनाको मृत्यु भएको मन्त्रालयको तथ्यांक छ ।