सुर्खेत जिल्लाको वीरेन्द्रनगर नगरपालिका क्षेत्रमा भदौ ५ गतेसम्म जारी भएको निषेधाज्ञाको अवधि बढाइएको छ ।
बिहीबार (आज) जिल्ला प्रशासन कार्यालय सुर्खेतले एक विज्ञप्ती जारी गर्दै भदौ ५ गते राति १२ बजेसम्म जारी गरेको निषेधाज्ञाको अवधी थपिएको जानकारी दिएको हो ।
सहायक प्रजिय भिमकान्त पौडेलले हस्ताक्षर गरेको विज्ञप्तीमा जिल्ला सुरक्षा समितिको बैठकको निर्णयानुसार भदौ ९ गते राति १२ बजेसम्म निषेधाज्ञा कायम गरिएको जनाएका छन् ।
निषेधाज्ञा जारी भएतापनि एम्बुलेन्स, शववाहन, दमकल, झण्डावाल सवारी, सुरक्षा, स्वास्थ्य र कुटीतिक नियोग सवारी साधनहरु, एवं प्रेस/सञ्चारकर्मीका सवारी साधनहरु र अत्यावश्यक सामाग्री संचालनमा प्रयोग हुने सवारी साधनहरु भने निर्वाध रुपमा चल्न पाउने उल्लेख गरिएको छ ।
जुम्लामा रहेका केटीएम दैनिकका स्तम्भ लेखक बाल गोपाल देवकोटाको सहयोगमा ।