बलिउडको दुनियाँमा असम्भव भन्ने कुरा नै छैन । यो त्यो विश्व हो, जहाँ नायक र नायिकालाई केही मिनेटमै घरबाट हिमालयसम्मको यात्रा गराउँछ । यही फिल्मको इतिहासमा केही यस्ता फिल्म छन्, जसको सेट बनाउन धेरै खर्च भएको छ ।
सन्जय लीला भन्सालीको फिल्म ‘देवदास’ शाहरुख खान, माधुरी दिक्षित र ऐश्वर्या राय बच्चनको करियरमा एउटा उत्कृष्ट फिल्म हो । भन्साली र उनको टिमलाई ‘देवदास’को सेट बनाउन नौ महिना लागेको थियो । त्यो समयमा यो सेट बनाउन २० करोड बढी खर्च भएको थियो । चन्द्रमुखी कोठा मात्र बनाउनका लागि १२ करोड रुपैंयाँ खर्च भएको थियो ।
निर्माता करण जोहारको फिल्म ‘कलंक’ले बक्सअफिसमा कुनै सफलताको स्वाद नचाखे पनि फिल्मको सेट तारिफयोग्य थियो । प्रेस अफिसदेखि आलिया भट्ट र वरुण धवनमाथि खिचिएका सबै दृश्य सुन्दर थिए । करण जोहार र साजिद नाडियाडवालाले फिल्मको सेटमा मात्रै १५ करोड रुपैंयाँ खर्च गरेका थिए ।
यो सूचीमा फिल्म ‘मुगल–ए–आजम’ कहिल्यै छुट्दैन । यो ऐतिहासिक प्रेमकथाको फिलम निर्माण गर्न धेरै खर्च भएको थियो । ‘प्यार किया तो डरना क्या’को म्यूजिकल सिक्वेन्स खिच्नका लागि बनाइएको सेट बनाउन करिब दुई वर्ष लागेको थियो । यो गीत खिच्न नै १० लाख खर्च भएको थियो ।
सन्जय लीला भन्सालीको फिल्म ‘बाजीराव मस्तानी’ लाई २३ ठूला सेटसँगै गुजरातको आइना महलमा पनि छायांकन गरिएको थियो । यो सेट बनाउन झन्डै नौ वर्ष लागेको थियो । फिल्मको कुल बजेटमा १ सय ४५ करोड रुपैंयाँ सेट र कलाकारको भेषभुषामै खर्च भएको थियो ।
निर्देशक अनुराग कश्यपको फिल्म ‘बाम्बे भेलभेट’ले दर्शकलाई ६० को दशकको मुम्बईमा लैजान खोजेको थियो । यो फिल्म निर्माण गर्न १ सय २० करोड रुपैया खर्च भएको थियो । जसको अधिकांश हिस्सा सेटमै खर्च भएको थियो । पुरानो मुम्बई देखाउनका लागि ११ महिनामा सेट तयार पारिएको थियो ।