संक्रमितहरु आइसोलेसनमा बस्दा जे भेटिन्छ त्यसैलाई मीठो मानेर खान स्वास्थ्य तथा जनसंख्या मन्त्रालयले अनुरोध गरेको छ।
‘खोजेराजे जस्तो खानपिन खान भनिएको छ। तर जे पाइन्छ त्यही खान अनुरोध गरिन्छ।’ मन्त्रालयको नियमित मिडिया ब्रिफिङमा प्रवक्ता डाक्टर जागेश्वर गौतमले भने, ‘आइसोलेसनमा स्वाथ्यकर्मीबाट सेवा सल्लाह लिनुपर्छ र अनुशासित भएर जनस्वास्थ्यका मापदण्ड अपनाएर बस्नुपर्छ।
आइसोलेसनमा बस्दा भरसक सफा सुग्गर र पोसिलो खाने कुरा खान पनि उनले आग्रह गरेका छन्। साथै उनले राजधानी र सहरमा संभ्रान्त परिवार भनिएकाले नै कोरोनाबारे नकरात्मक कुरा गरिरहेका आरोप लगाएका छन्।
बिहिबार मात्रै काठमाडौंमा १ सय ७४ ललितपुरमा १८ र भक्तपुरमा ८ सहित देशभर ७ सय ७ जना संक्रमित थपिएका छन् ।