राष्ट्रकवि माधवप्रसाद घिमिरेको निधनमा शोक मनाउँदै लमजुङको मस्र्याङ्दी गाउँपालिकाले आफ्नो क्षेत्रभित्र सार्वजनिक बिदा दिएको छ ।
वि. सं. १९७६ असोज ७ गते लमजुङको पुस्तन गाउँमा जन्मिएका घिमिरेको मंगलबार १०१ वर्षको उमेरमा निधन भएको हो ।
उनको बुधबार पशुपति आर्यघाटमा राष्ट्रिय सम्मानका साथ अन्त्येष्टि गरिएको छ ।
राष्ट्रकवि घिमिरेको जन्मथलो लमजुङको मस्र्याङ्दी गाउँपालिकाले घिमिरेको निधनप्रति शोक मनाउँदै बुधबारका लागि पालिकाभरसार्वजनिक बिदा दिएको छ ।
गाउँपालिकाको आकस्मिक बैठकले गाउँपालिका मातहतमा रहेका सम्पूर्ण कार्यालय, वडा कार्यालय, आकस्मिक सेवाबाहेकका स्वास्थ्यचौकीबाहेक सबैमा सार्वजनिक बिदा दिएको हो ।