गायक सुगम पोखरेलले नयाँ गीत सार्वजनिक गरेका छन् । कुशेऔँशी अर्थात् बुबाको मुख हेर्ने दिनको छेको पारेर गायक पोखरेलले ‘बुबाः हजुरको याद आउँछ’ नामको गीत सार्वजनिक गरेका हुन् ।

सुगमले सामाजिक सञ्जाल फेसबुकमार्फत गीतबारे जानकारी दिएका छन् । उनले गीतमार्फत आफ्ना बुबालाई सम्झिएका छन् भने सँगै सम्पूर्ण बुबाहरुलाई समर्पित पनि गरेका छन् । उनको बुबाको केही महिनाअघि मृत्यु भएको थियो ।

बुबालाई सर्प्राइज दिन गीत बनाए, उहाँले मलाई नै सर्प्राइज दिएर जानुभयो, उनले लेखेका छन् ।

गीतमा शब्द, स्वर र संगीत सुगम आफैँले भरेका हुन् भने संगीत संयोजन सुजिल कर्माचार्यले गरेका हुन् ।