पछिल्लो २४ घण्टामा काठमाडौं उपत्यकामा १ सय ३२ जना कोरोना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार काठमाडौंमा १२६, ललितपुरमा ३८ र भक्तपुरमा ८ जना संक्रमित भेटिएका हुन् ।
संक्रमित कुन ठाउँका हुन् भन्ने मन्त्रालयले खुलाएको छैन । पछिल्लो २४ घण्टामा देशभरमा ६४१ जना संक्रमित थपिएका छन् ।
आज भेटिएका संक्रमितमध्ये महिलाको संख्या २ सय १८ रहेको छ भने पुरुषको संख्या ४ सय २३ रहेको छ ।
योसँगै नेपालमा कोरोना संक्रमित हुनेको संख्या २६ हजार ६ सय ६० पुगेको छ ।
गत २४ घन्टामा १ सय ३४ जना कोरोना मुक्त भएर घर फर्केका छन् योसँगै कोरोना निको हुनेको संख्या १७ हजार ३ सय ३५ पुगेको छ भने थप २ जनाको ज्यान गएसँगै कोरोनाबाट ज्यान गुमाउनेको संख्या १ सय ४ पुगेको पनि प्रवक्ता गौतमले जानकारी दिए ।