पछिल्लो २४ घण्टा यता नेपालमा थप ४ सय ६८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार वितेको २४ घण्टामा देशभरका प्रयोगशालामा परीक्षण गर्दा काठमाडौं उपत्यकामा ९८ सहित नेपालभर ४ सय ६८ जनामा कोरोना भाइरस देखिएको बताए । यो सँगै नेपालमा कोरोना संक्रमितको संख्या २६ हजार १९ जना पुगेको छ ।

हाल क्वारेन्टिनमा १४ हजार ४ सय ४८ जना रहेका छन् भने आजसम्म ५ लाख ६० हजार ६० जनाको पीसीआर विधिबाट परीक्षण भएको छ ।

आजसम्म कोरोना मुक्त हुनेको संख्या १७ हजार २ सय १ पुगेको छ भने थप ३ जनाको मृत्यु पुष्टि भएसँगै नेपालमा कोरोनाबाट मृत्यु हुनेको संख्या १०३ पुगेको छ ।