गोरखा जिल्लाको गोरखा बजारमा एक व्यूटिपार्लर सञ्चालक महिलाको सम्पर्कमा रहेकी अर्की महिलामा पनि कोरोना भाइरसको संक्रमण पुष्टि भएको छ ।
गोरखा लक्ष्मीबजारमा व्युटिपार्लर सञ्चालन गर्नेमा संक्रमण देखिएको आधारमा कन्ट्याक ट्रेसिङ गर्ने क्रममा खेलकुद मैदान आसपासकी ४७ वर्षीया महिलामा कोरोना पोजेटिभ देखिएको गोरखा नगरपालिकाको स्वास्थ्य शाखाले जनाएको छ ।
नेपालमा पछिल्लो समयमा समुदाय स्तरमा संक्रमण देखिएको छ ।
देशका विभिन्न स्थानमा ट्राभल हिस्ट्री नै नभएका मानिसहरुमा कोरोना संक्रमण देखिन थालेपछि स्वास्थ्य तथा जनसंख्या मन्त्रालयले भिडभाडमा नजान र सामाजिक दुरी कायम गर्दै मास्क प्रयोग गर्न सबैमा आग्रह गरेको छ ।
त्यस्तै कोही कोरोना संक्रमित व्यक्तिको सम्पर्कमा आएका व्यक्तिमा ५ देखि ७ दिनपछि मात्र कोरोना परिक्षण गराउन पनि मन्त्रालयले जनाएको छ ।
सुरुमै कोरोना परिक्षण गर्दा फल्स नतिजा आउन सक्ने सम्भावना बढी भएकाले मन्त्रालयले ५ देखि ७ दिन पछि मात्र जाँच गराउन शनिबार सबैमा आग्रह गरेको हो ।