काठमाडौं । प्रधानमन्त्री केपी शर्मा ओली विरुद्ध सामाजिक सञ्जालमा जथाभावी लेख्ने व्यक्ति पक्राउ परेका छन्।
पक्राउ पर्नेमा मोरङ घर भइ काठमाडौंको बुढानिलकण्ठ बस्दै आएका सुनिल शर्मा छन् ।
शर्माले आफ्नो फेसबुकमा ‘प्रधानमन्त्री ओलीको ह-त्याका लागि भारतले सार्प सुटर खटाएको’ अभिव्यक्ति पोस्ट गरेका छन्।
शर्माविरुद्ध मुलुकी अपराध संहितामा भएको अफवाह फैलाएको सम्बन्धी कसुरमा म्याद थप गरेर विस्तृत अनुसन्धान भइरहेको प्रहरीले जनाएको छ।
उनलाई काठमाडौं प्रहरी परिसर, टेकुको टोलीले बिहीबार पक्राउ गरेको हो।
शर्माले आफूलाई दैनिक भारतको पत्रकार बताउने गरेका छन्।
उनले आफूलाई भारतीय गुप्तचर संस्था ‘रअ’को एजेन्ट हुँ समेत भन्ने गरेका छन्।
पक्राउ परेका उनीमाथि अनुसन्धान भइरहेको छ।
शर्माले आफूलाई विश्वहिन्दु महासंघको नेपाल व्यूरो चिफ समेत दावी गर्ने गरेका छन्।