वितेको २४ घन्टामा छिमेकी मुलुक भारतमा विश्वमै सबैभन्दा बढी संक्रमित फेला परेका छन् ।
भारतको केन्द्रीय स्वास्थ्य तथा परिवार कल्याण मन्त्रालयले उपलव्ध गराएको तथ्यांक अनुसार भारतमा पछिल्लो २४ घन्टामा ६७ हजार भन्दा बढी संक्रमित फेला परेका छन् ।
यो संख्या विश्वमै सबैभन्दा बढी हो । कोरोनाले आक्रान्त भएको संयुक्त राज्य अमेरिकामा सोही अवधिमा ५४ हजार भन्दा बढी संक्रमित फेला पर्दा दोस्रो नम्बरमा रहेको ब्राजिलामा ५८ हजार भन्दा बढी संक्रमित भेटिएका छन् ।
यो समाचार तयार पार्दासम्म भारतमा संक्रमित हुनेको संख्या २४ लाख पुगेको छ भने ज्यान गुमाउनेको संख्या ४७ हजार नाघेको छ ।
विश्वभर कोरोना संक्रमित २ करवड ८ लाख २० हजार नाघ्दा ७ लाख ४७ हजार भन्दा बढीले ज्यान गुमाइसकेका छन् भने १ करोड ३७ लाख १९ हजार भन्दा बढी निको भएका छन् ।