भारतीय अभिनेता अक्षय कुमार विश्व चर्चित पत्रिका फोब्समा प्रकाशित समाचारमा सन् २०१९ को जुन १ देखि सन् २०२० को जुन १ सम्मको अवधिमा ४८.५ मिलियन अमेरिकी डलर कमाएर सर्वाधिक कमाउने अभिनेतामा आफ्नो नाम लेखाउन सफल भएका छन् । उनी भारतको अभिनेता तर्फ पहिलो र विश्वको सर्वाधिक धेरै कमाइ गर्नेमा छैटौं स्थानमा रहेका छन् ।
कमाइको अधिकाशं हिस्सा उनले विज्ञापन खेलेर कमाएका फोव्सले जानकारी दिएको छ ।
हलिउड अभिनेता तथा पूर्व व्यवसायिक रेस्लर डायन जोनशन(द रक) लगातार दोश्रो वर्ष सर्वाधिक कमाइ गर्ने अभिनेता बनेका छन्।
जोन्सनपछि सर्वाधिक धेरै कमाउने अभिनेताको सूचिमा ‘रेड नोटिस’मा उनीसँगै काम गरेका रायन रेनल्ड्स छन्। उनले ७१.५ मिलियन अमेरिकी डलर कमाएका छन्।
उनीहरूसँगै धेरै कमाउने अभिनेताहरूको सूचिमा लिन-मानुयल मिरान्डा, विल स्मिथ, एडम सान्डलर र ज्याकी च्यान छन्।
अभिनेत्रीहरूको सूचि भने सार्वजनिक गरिएको छैन। गत वर्ष अभिनेत्रीतर्फ भने ५६ मिलियन अमेरिकी डलर कमाइसहित स्कारलेट जोनसन सूचिको पहिलो नम्बरमा थिइन्।
