मंगलबार नेपालमा ६ सय ३८ जनामा कोरोना संक्रमण भएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार मंगलबार १० हजार ५ सय ६२ जनाको नमूना परिक्षण गर्दा उपत्यकाका १ सय ३२ सहित देशभर ६ सय ३८ जनामा कोरोना संक्रमण पाइएको हो ।
काठमाडौं उपत्यकाका भेटीएका मध्ये काठमाडौं जिल्लाबाट १ सय १० ललितपुर जिल्लाबाट १४ र भक्तपुर जिल्लामा ८ जनामा कोरोना संक्रमण पाइएको हो ।
योसँगै नेपालमा कोरोना संक्रमण हुनेको संख्या २३ हजार ९ सय ४८ पुगेको छ ।
पछिल्लो २४ घन्टामा १ सय ७१ जना कोरोना निको भएर घर फर्केका छन् । अहिलेसम्म कोरोना संक्रमण भइ निको हुनेको संख्या १६ हजार ६ सय ६४ पुगेको छ ।