काठमाडौं । विश्वभर कोरोना संक्रमितको संख्या २ करोड नाघेको छ । पछिल्लो २४ घन्टामा २ लाख १९ हजार ५ सय ९६ जना नयाँ संक्रमित थपिएसँगै विश्वमा हालसम्म संक्रमित हुनेको संख्या २ करोड २१ हजार ३ सय २१ पुगेको छ ।
पछिल्लो तथ्यांकअनुसार विश्वमा गत २४ घन्टामा ४ हजार ७ सय ९८ जनाको मृत्यु भएको छ । हालसम्म विश्वभर कोरोनाकै कारण ज्यान गुमाउनेको संख्या ७ लाख ३३ हजार ९ सय १८ पुगेको छ ।
सोमबार बिहान नेपाल समयअनुसार अमेरिकामा सबैभन्दा धेरै संक्रमित र मृतक देखिएका छन् । अमेरिकामा हालसम्म ५१ लाख ९९ हजार ४ सय ४४ जना संक्रमित देखिएका छन् भने १ लाख ६५ हजार ६ सय १७ जनाको मृत्यु भइसकेको छ ।
त्यस्तै ब्राजिलमा ३० लाख ३५ हजार ५ सय ८२ संक्रमित हुँदा ज्यान गुमाउनेको संख्या १ लाख १ हजार १ सय ३६ पुगेको छ । नेपालको छिमेकी मुलुक भारतमा २२ लाख १४ हजार १ सय ३७ जना संक्रमित पुगेका छन् भने ४४ हजार ४ सय ६६ जनाले ज्यान गुमाइसकेका छन् ।
पछिल्लो २४ घन्टामा सबैभन्दा धेरै संक्रमित र मृतकको सूचीमा भारत अग्रस्थानमा रहेको छ । भारतमा गत २४ घन्टामा ६२ हजार १ सय १७ नयाँ संक्रमित देखिएका छन् भने १ हजार १३ जनाले ज्यान गुमाएका छन् ।
हालसम्म विश्वमा कोरोनामुक्त हुनेको संख्या १ करोड २८ लाख ९६ हजार ८ सय ९६ पुगेको छ ।
