उपचार नपाएकाले बिरामीको मृत्यु भएको भन्दै वीरगन्जको नारायणी अस्पताल अगाडि स्थानीहरुले प्रदर्शन गरेका छन् ।
आइबार बिहान निषेधाज्ञा उल्लंघन गर्दै अस्पताल अगाडि स्थानीयले विरोध जनाउँदै चिकित्सक र अस्पतालविरुद्ध नारा लगाएका हुन् ।
अस्पतालको प्रसूति गृह अगाडि स्थापना गरिएको कोभिड बुथमा प्रदर्शनकारीले तोडफोड गरेका थिए । प्रदर्शनकारीले एउटा निजी गाडीको सिसा समेत फुटाइदिएका छन् । भीडलाई नियन्त्रणमा लिन प्रहरीले लाठीचार्ज गरेको थियो । प्रदर्शनकारीहरुले बिरामीलाई निजी अस्पतालले पनि भर्ना र चिकित्सकले पनि लापरबाही गर्न नहुने भन्दै विरोध प्रदर्शन गरिएको बताए । नारायणी अस्पतालका सबै सेवा सुचारुका लागि पनि उनीहरुले माग गरेका थिए ।
प्रदर्शनकारी अस्पताल पुग्दा प्रहरी उपरीक्षक गंगा पन्त चिकित्सकहरुसँग बैठकमा सहभागी थिइन् । पछिल्लो तीन दिनयता वीरगन्जमा उपचार नपाएर तीन जनाको मृत्यु भएको छ ।
