प्रधानमन्त्री केपी शर्मा ओलीको कोरोना रिपोर्ट नेगेटिभ आएको छ ।
प्रधानमन्त्रीका प्रेस सल्लाहकार सूर्य थापाले कोरोना रिपोर्ट नेगेटिभ आएको बताए ।
उनले भने ‘आज बिहान परीक्षणका लागि स्वाब लिइएकोमा सम्माननीय प्रधानमन्त्री केपी शर्मा ओलीको रिपोर्ट नेगेटिभ आएको छ ।’
प्रदेश २ का आन्तरिक मामिला तथा कानुनमन्त्री ज्ञानेन्द्र कुमार यादव बुधबार कोरोना संक्रमित भएका थिए । झण्डै १ हप्ताअगाडी उनले काठमााडैंमा प्रधानमन्त्री केपी शर्मा ओली लगायतसंग उच्चस्तरीय भेटघाट गरेर प्रदेश फर्किएका थिए।
प्रदेशका मन्त्रिमा कोरोना संक्रमण देखिएपछि प्रधानमन्त्री लगायत उक्त उच्चस्तरीय भेटघाटमा सहभागी भएका सम्पूर्णको आज बिहान बालुवाटारमा स्वाव लिइएको थियो ।
बेलुका आएको परिक्षणको नतिजा अनुसार सुवासचन्द्र नेम्वाङ, कानूनमन्त्री डा.शिवमाया तुम्बाहाम्फे, मुख्य सल्लाहकार विष्णु रिमाल, विदेश मामिला सल्लाहकार डा. राजन भट्टराई, प्रेस सल्लाहकार सूर्य थापा, प्रमुख स्वकीय सचिव इन्द्र भण्डारी गरी ७ जनाको नतिजा नेगेटिभ आएको छ ।
