काभ्रेको बेथानचोक गाउँपालिका वडा न. ४ घर भई हाल गाउँपालिकाकै क्वारेन्टिनमा बसिरहेकी २१ वर्षिया युवतीले झुण्डिएर आत्महत्या गरेकी छन् ।
गत साउन १७ गते दुबइबाट नेपाल आएकी ती युवतीलाई क्वारेन्टिनमा राखिएको थियो ।
गाउँपालिकाको स्वास्थ्य चौकीमा रहेको क्वारेन्टिनमा बसेकी उनी शुक्रबार दिउँसो झुण्डिएको अवस्थामा मृत फेला परेकी हुन् । यसबारे थप जानकारी लिन बेथानचोक गाउँपालिकाकी उपाध्यक्ष सरिता लामिछानेसँग टेलिफोन सम्पर्क गर्ने हाम्रो प्रयास असफल भएको छ ।
उनको निधन भएसँगै आफन्तले क्वारेन्टिन व्यवस्थापनको लापरवाहीले यस्तो घटना भएको बताउँदै स्वास्थ्य चौकी तोडफोड गरेको बताइएको छ ।
आफन्तले क्वारेन्टिन भवन लगायत त्यहाँ खटिएका स्वास्थ्यकर्मी माथि ढुंगा मुढा बर्साएका छन् ।
स्थिती तनाव पूर्ण भएपछि जिल्लाबाट प्रहरी नायव उपरीक्षक कुमार विक्रम थापाको नेतृत्वमा टोली परिचालन गरिएको प्रहरी प्रमुख पौडेलले जानकारी दिए ।
