कोरोना भाइरसको संक्रमण तीव्र बनेसँगै काठमाडौं उपत्यका दुई साताका लागि अत्यावश्यक बाहेकका सेवा गरिने भएको छ ।
उपत्यकाका काठमाडौं, भक्तपुर र ललितपुर जिल्ला प्रशासन कार्यालयले आइतबारदेखि दुई साताका लागि अत्यावश्यक बाहेकका सेवा बन्द गर्ने निर्णय गरेको हो ।
तीनै जिल्लाका प्रमुख जिल्ला अधिकारीको शुक्रबार बसेको बैठकले यस्तो निर्णय गरेको हो । यस अवधिमा जिल्ला प्रशासन कार्यालयमा अत्यावश्यकबाहेक कुनै पनि सेवा दिइने छैन ।
काठमाडौँ उपत्यकामा आइतबारदेखि सबै सरकारी, गैरसरकारी तथा निजी कार्यालयका कामहरु सम्भव भएसम्म नियन्त्रित गर्ने गरिने भएको छ । काठमाडौँ उपत्यकामा कोरोना भाइरस संक्रमण बढ्दै गएपछि आगामी आइतबारदेखि लागू हुनेगरी सटडाउनको निर्णय भएको काठमाडौंका प्रमुख जिल्ला अधिकारी जनकराज दाहालले जानकारी दिए ।
काठमाडौँमा संक्रमण बढ्दै गए र आवागमन तथा हिँडडुलमा नियन्त्रण नभए उपत्यकाको स्थानीय प्रशासनले निषेधाज्ञासम्मको तयारी गरेको छ।
लकडाउन खुलेसँगै काठमाडौंमा भिडभाड बढ्न थालेपछि सरकारले हिजो (बिहिबार) देखि पुन: जोरबिजोर प्रणाली लागू गरिसकेको छ । पछिल्लो समय काठमाडौं उपत्यकामा दैनिक ठूलो संख्यामा संक्रमितहरु भेटिन थालेपछि तीनै जिल्लाका प्रमुख जिल्ला अधिकारीको शुक्रबार बैठक बसेको हो ।
काठमाडौं जिल्ला प्रशासनमा के खुल्छ के बन्द हुन्छ
कुन कुन सेवा बन्द
नयाँ नेपाली नागरिकता वितरण
नागरिता प्रतिलिपि वितरण
हातहतियार दर्ता /नविकरण
संस्था दर्ता/पत्रपत्रिका दर्ता साथै नविकरण सम्बन्धी कार्य
निजी सुरक्षा कम्पनी नविकरण
राहदानी वितरण
नाबालिग परिचयपत्र वितरण
अन्य अत्यावश्यक नभएका सेवाहरु
के के खुला हुन्छ
शान्ति सुरक्षा सम्बन्धी सेवा
ठाडो निवेदन र उजुरी सम्बन्धी
मुद्धा सम्बन्धी कार्य
अत्यावश्यक कामको लागि सवारी पास सम्बन्धी कार्य
विपद् व्यवस्थापन सम्बन्धी कार्य
भक्तपुर जिल्ला प्रशासनको निर्णय
यो समाचार अध्यावधिक गर्ने बेलासम्म ललितपुर जिल्ला प्रशासनले कुनैपनि सूचना जारी गरेको छैन ।
नोट : यसअगाडी यो समाचारमा प्रयोग भएको ‘सटडाउन’ शव्दले अन्यथा अर्थ दिएकाले यसलाई सच्चाइएको जानकारी गराउन चाहन्छौं ।
