वीपी कोइराला स्वास्थ्य विज्ञान प्रतिष्ठान धरानमा एक जना कोरोना संक्रमित युवाको मृत्यु भएको छ ।
सिराहाको गोलबजारका २५ वर्षीय एक युवकको कोरोना भाइरसको संक्रमणबाट मृत्यु भएको छ ।
धरानस्थित बीपी कोइराला स्वास्थ्य विज्ञान प्रतिष्ठानमा डायलासिस गर्दागर्दै उनको बिहीबार राति पौने दश बजे मृत्यु भएको अस्पतालका प्रवक्ता निदेश सापकोटाले जानकारी दिए।
‘२ बर्षदेखि हप्तामा २, ३ पटक डाइलाइसिस गराउदै गरेका विरामी रहेछन् । उनलाई पोजेटिभ देखिएको थियो,’डा.सापकोटाले भने,‘रिफर भएर हिजो साँझ वीपी आइपुगेका थिए, राती डाइलाइसिसकै क्रममा मृत्यु भयो ।’ मृतक सिरहाको गोलबजार निवासी हुन् ।
मृतकको शव पठाउनको लागि आवश्यक समन्वय भइरहेको पनि प्रवक्ता डा.सापकोटाले जानकारी दिए ।
यसैविच, सिराहाको लहान नगरपालिकाले नौ दिनका लागि नगर क्षेत्रमा निषेधाज्ञा जारी गरेको छ।
पछिल्लो समय नगरपालिका वडा नं ८ का एक जनासहित नगर क्षेत्रका २६ मा कोरोना संक्रमण पुष्टि भएपछि आजदेखि यही साउन ३२ गतेसम्म नगर क्षेत्रमा निषेधाज्ञा जारी गरेको नगरपालिकाले जनाएको छ।
छिमेकी जिल्ला सप्तरीमा तीव्ररूपमा संक्रमण फैलिरहेकाले निषेधाज्ञा जारी गरिएको हो।