काठमाण्डौ उपत्यकामा बिहीबार थप ८७ जना कोरोना संक्रमित थपिएका छन ।
बिहीबार स्वास्थ्य तथा जनसंख्या मन्त्रालयले जारी गरेको प्रेस ब्रिफिङमा प्रवक्ता जागेश्वर गौतमले काठमाडौंमा थप ७६ जनामा, भक्तपुरमा १ जना र ललितपुरमा १० जनामा संक्रमण भेटिएको पुष्टि गरेका हुन् ।
उनीहरु कुन ठाउँका हुन भन्ने मन्त्रालयले खुलाएको छैन ।
प्रवक्ता गौतमका अनुसार देशभरका प्रयोगशालामा ६ हजार ६ सय २२ जनाको नमूना परिक्षण गर्दा काठमाडौं उपत्यकामा ८७ सहित देशभरमा ३ सय ६० जनाको नतिजा पोजेटिभ आएको हो ।
योसँगै कोरोना संक्रमित हुनेको संख्या २१ हजार ७ सय ५० पुगेको छ ।
त्यस्तै २४ घन्टामा २ सय ३३ जना कोरोना संक्रमित निको भएर घर फर्केका छन् । यो सँगै निको हुनेको संख्या १५ हजार ३ सय ८९ पुगेका छन् ।
थप ५ जनाको निधन भएसँगै नेपालमा कोरोनाको कारण ज्यान गुमाउनेको संख्या ६५ पुगेको छ ।
आजसम्म नेपालमा ४ लाख १९ हजार ५ सय ७५ जनाको पीसीआर विधिबाट कोरोना परिक्षण गरिएको छ ।
