सुनसरीको सदरमुकाम इनरुवा, दुहबी नगरपालिका र इटहरी उपमहानगरपालिकामा लकडाउन घोषणा गरिएको छ ।
इटहरी उपमहानगरपालिकामा कोरोना सक्रमित बढेको भन्दै ५ दिन पुर्ण लकडाउन भएको छ । कर्मचारी सहित समुदायमा कोरोना बढेको भन्दै ५ दिनलाई पुर्ण लकडाउन गर्ने भएको हो ।
इटहरीमा कोरोना समुदायमा फैलिएको भन्दै आज ४ बजे बसेको बैठकले पुर्ण लकडाउन गर्ने निर्णय गरेको इटहरी उपमहनगरकी उपमेयर लक्ष्मी गौतमले बताईन ।बजार तथा सवारी साधनहरु समेत बन्द हुने छ । भोलि देखि पुर्ण रुपमा बजार बन्द गर्न आग्रह गरेको छ ।
यस्तै इनरुवा नगरपालिकामा पनि पाँच दिने लकडाउन घोषणा गरिएको छ । गएको १८ गते इनरुवाका राजनीतिककर्मी, प्रहरी, पत्रकार र आशङ्का गरिएका व्यक्ति गरी ७५ जनाको स्वाब सङ्कलन गरिएकोमा एक जना मेडिकल सञ्चालकको कोरोना रिपोर्ट पोजेटिभ आएपछि सुनसरी सदरमुकाम इनरुवा लकडाउन गरिएको हो । इनरुवामा पनि साउन २६ गतेसम्मलाई लकडाउन हुनेछ ।
सुनसरीको दुहबी नगरपालिकामा पनि लकडाउन घोषणा गरिएको छ । दुहबीमा चार जनामा कोरोना सङ्क्रमण पुष्टि भएकामध्ये एक जना नगरपालिकाका कर्मचारी पनि हुन् । नगर प्रमुख वेदनारायण गच्छदारको अध्यक्षतामा बसेको कोभिड–१९ आपत्कालीन व्यवस्थापन समितिको बैठकले यस्तो निर्णय गरेको हो ।
दुहबीमा मङ्गलवार रातिदेखि भदौ २ गतेसम्म लकडाउन लागू हुनेछ । यो निर्णय उल्लङ्घन गरेमा प्रतिपटक पाँच हजार जरिबाना गर्ने निर्णय पनि भएको छ । लकडाउन उल्लङ्घन गरे पाँच हजार रुपैयाँसम्म जरिबाना गरिने नगरपालिकाले जनाएको छ ।