काठमाडौं । नेपाली कांग्रेसका युवा नेता एवम् प्रतिनिधि सभाका सांसद गगनकुमार थापाले जानकारी मुलक सन्देशसहित मास्क घरघर पठाएर कोरोनाबाट बच्न अपील गरेका छन् ।
सांसद थापाले आफ्नो निर्वाचन क्षेत्र काठमाडौं क्षेत्र नं. ४ का जनतालाई कोरोनाबाट बच्ने उपायको पर्चासहित केही मास्क घरघर पठाएका छन् ।
उनले कोरोनाबाट बच्न सरसफाइ, बेलाबेला साबुन पानीले हातधुने, मास्क लगाउने, धेरै भिड हुने स्थानमा नजाने लगायतका सूचना मुलक पर्चा क्षेत्र नं. ४ का सबै घरहरूमा पुर्याउन शुरु गरेका छन् । थापाले मास्क थाेरै पठाएका छन् । तर, उनले सचेतनाका लागि यस्ताे अभियान चलाएका हुन् ।
कोरोनाबाट आफ्नो क्षेत्रका जनतालाई सचेत गराएर महामारीबाट बचानका लागि थापाले प्रयासहरू गरिरहेका छन् । थापाको यो अभियानबाट आत्तिएका कम्युनिस्टहरूलाई भने टाउको दुःखाइ भएको छ ।
लकडाउनका बेला समस्यामा परेकाहरूलाई सो क्षेत्रमा थापाले यसअघि पनि राहत विरतण गरेका थिए । कांग्रेसका सांसद थापा पछिल्लो समय आफ्नो क्षेत्रमा केन्द्रित रहेर कोरोनाबाट कसरी बच्न सकिन्छ भनेर सर्वसाधारणलाई अनुरोध गर्दै आएका छन् ।
हाम्रो क्षेत्रका माननीय @thapagk ले यसरी घरघरमै मास्क प्रयोग गर्न अनुरोधसहित मास्क नै पठाइ दिनुभएछ।
यो हो नि तरिका pic.twitter.com/atTJIm9E7z— Gajendra S. Budhathoki??♿ (@gbudhathoki) August 1, 2020
