‘स्वर्गद्वारी महाप्रभु’ विकट गाउँमा जन्मिएर विश्व शान्तिको परिकल्पना गरेका एक सिद्ध महापुरुष ।
वि.स. १९१६ साल श्रावण शुक्ल पुत्रदा एकादशीका दिन शुभ लग्न र शुभ योगको संयोग पारी रोल्पाको सखी गाविस वाडा नं ९ रुम्टीमा गौतम परिवारमा देवगुरु बृहस्पतिको अंशमा महाप्रभुले जन्म लिनुभएको हो । उहाँ पृथ्वीमा अवतरण हुनुको मुख्य कारण भनेकै विश्व कल्याण र विश्व शान्तिको चाहना उदेश्यले हो ।
बाल्यकालदेखि नै चमत्कारिक लीला अपत्यारिला लाग्ने चरित्रहरु देखाउने प्रभुमहाराजले केही समय अन्तरध्यान भई भगवन शिवजीबाट दीक्षा ग्रहण गर्नुभएको कुरा उल्लेख गरिएको छ । दार्शनिक,दूरदर्शिता तथा वर्तमान, भूत र भबिस्य देख्न सक्ने महाप्रभुले कलियुगका समस्त प्राणीहरुको कल्याणकालागि पहिलेपनि अखण्ड महायज्ञ गरिएको पवित्र स्थान जहाँ भगवान् पनि दर्शनका लागि आउन चाहने भाग्यमानीले मात्रै दर्शन गर्न पाउने प्यूठान स्थित स्वर्गद्वारीमा आई पहिल्यै यज्ञ गरिएको स्थान उत्खनन गरि प्राचीन यज्ञपात्र पुनः प्रयोग गरि सोही पवित्र स्थानमा वैदिक ब्राह्मणहरुद्वारा वि।सं। १९५२ साल वैशाख २६ गते शुक्ल पूर्णिमादेखि अखण्ड विश्वशान्तिका लागि यज्ञ आरम्भ गर्नुभएको थियो ।
पाञ्चायन देवताहरुको स्थापना गरि पञ्च अग्निकुण्ड बनाइ मध्य भागमा स्थित मूल कुण्डमा जुन पहिल्यैपनि देवता हरुद्वारा यज्ञगरिएको कुण्डमा ब्राह्मण व्रम्हमचारी टिकाराम गौतमको मुखबाट वैदिकमन्त्रोच्चारण पूर्वक अग्नि प्रकट गराई उक्त अग्निमा अनेक सुगन्धित वस्तु सहितले चरु हवन गराउदै अखण्ड अग्नि प्रज्वलित गराई आजसम्म पनि प्रभुमहारजकै निर्देशन बमोजिम यथावत् रुपमा यज्ञ सुचारु भैरहेको छ । दर्शनका लागि जाने भक्तहरुका लागि पनि यज्ञकुण्डको दर्शन गर्न पाउने गरि व्यवस्था मिलाईएको छ ।
प्रभुमहाराज पछि अहिलेसम्म एघार जना महाराजले आश्रम प्रमुखका रुपमा आश्रम सञ्चालन गर्ने शुभ अवसर प्राप्त गर्नुभएको छ । अहिले आश्रमको प्रमुख जिम्मेवारी स्वामी १०८ श्री भागवता नन्द गिरी महाराजले प्राप्त गर्नु भएको छ । उहाँ प्रभुमहाराज पछि एघारौं आश्रम प्रमुखका रुपमा हुनुहुन्छ । महाप्रभुले स्थापना गरेदेखि अहिलेसम्म १ महाप्रभु,२ बोधानन्द गिरी महाराज ३ अमरानन्द गिरी महाराज ४ शंखरानन्द गिरी महाराज ९रखालमहाराज ० ५ सूर्यानन्द गिरी महाराज ६ अनन्तानन्द गिरी महाराज ७ कृष्णानन्द गिरी महाराज ८ केशवानन्द गिरी महाराज ९ रामानन्द गिरी महाराज १० नित्यानन्द गिरी महाराज र हाल आश्रम प्रमुखका रुपमा श्री भागवतानन्द गिरी महाराजले आश्रम सञ्चालनको जिम्मेवारी वहन गर्नु भएको छ ।
हिमशिखरको काखमा अवस्थित ऋषिमहर्षिहरुको तपोभूमि मनमोहक प्राकृतिक उक्त भूमि नेपालको गहनाका रुपमा रहेको छ । प्यूठान जिल्लास्थित स्वर्गद्वारी स्वर्गकै एक टुक्रा हो भनेर व्याख्या गरिएको छ । देवगुरु बृहस्पतिका अंशावतार श्री १०८ महाप्रभुको तपोभूमि दर्शनका लागि जाने जोकोहिलाई स्वर्गमा पुगेको अनुभूति हुने गर्दछ ।
विश्वकल्णाको उदेश्य राखेर रोल्पामा जन्मिनुभएका महाप्रभुले १९५२ साल वैशाख शुक्ल पूर्णिमाका दिनदेखि विश्व शान्तिको उदेश्यले यज्ञ प्रारम्भ गर्नु भयो । फलतः १०० वर्व पछि २०५२ सालमा प्रभुको जन्म जिल्लाबाटै तत्कालीन माओबादीको जन्म भयो र बिस्तारै देशमा अशान्ति हुँदै आज धर्मनिरेपेक्ष राष्ट बनेको छ । विश्व कल्याणको उदेश्यले गरिएको यज्ञ साक्षी हुदा हुँदै धर्म हटाएकाले देशमा शान्ति र विकाश कायम हुन नसकेको हो । एकै स्थानमा सकारात्मक सोचले महाप्रभुको जन्म भयो भने नकारात्मक सोचले माओबादीको विचार उदय भयो । इतिहास हेर्दा जहिलेपनि नकारात्मक सोचको भन्दा सकारात्मक सोचको नै जित भएको छ । जुजदिन देखि देशले धर्मलाई सम्मान गर्दै अगाडि बढाउदछ तेही दिनदेखि देशमा दिगो शान्ति हुने विज्ञहरुले जानकारी गराएका छन् ।
लेखक स्वर्गद्वारी आश्रमका पूर्व विद्यार्थी हुन् ।